லங்காசிறி FM
சாம்பாரில் விஷம் கலந்து திமுக பிரமுகர் கொலை - கள்ளக்காதலால் ஏற்பட்ட விபரீதம்
நாகை அருகே கள்ளக்காதலுக்காக சாம்பாரில் விஷம் கலந்து திமுக பிரமுகர் கொலை செய்யப்பட்ட சம்பவம் பரபரப்பை ஏற்படுத்தியுள்ளது.
நாகை மாவட்டம் வேளாங்கண்ணியை அடுத்த வேட்டைக்காரனிருப்பு சடையன்காடு பகுதியை சேர்ந்த தேவேந்திரன் என்பவர் அப்பகுதியின் திமுக கிளை செயலாளராக உள்ளார்.இவர் மனைவி சூர்யாவுடன் வசித்து வந்த நிலையில் இவர்கள் இருவருக்கும் குழந்தை இல்லை எனக் கூறப்படுகிறது.
மேலும் கடந்த வருடம் நவம்பர் மாதம் தேவேந்திரனுக்கு மஞ்சள் காமாலை மற்றும் கல்லீரல் பாதிப்பு ஏற்பட்டு அடிக்கடி மருத்துவமனைக்கு சென்று வந்தார். திருச்சியில் தனியார் மருத்துவமனை ஒன்றில் சிகிச்சை பெற்று வந்த தேவேந்திரன் கடந்த ஆண்டு டிசம்பர் 15 ஆம் தேதி குணமடைந்து வீடு திரும்பினார்.
உடல்நிலை தேறி இருந்த தேவேந்திரன் ஜனவரி 4 ஆம் தேதி மீண்டும் உடல்நிலை பாதிக்கப்பட்டு சிகிச்சைக்காக அதே மருத்துவமனைக்கு கொண்டு செல்லப்பட்டார். அவரை பரிசோதித்த மருத்துவர்கள் உடல் நிலை மோசமாக இருப்பதாகவும் திருச்சி காவேரி மருத்துவமனைக்கு கொண்டு செல்லுமாறும் அறிவுறுத்தியுள்ளனர். திருச்சி காவேரி மருத்துவமனையில் அவரை அனுமதித்த நிலையில், ஜனவரி 6 ஆம் தேதி சிகிச்சை பலனின்றி உயிரிழந்துள்ளார்.
இதனிடையே தேவேந்திரன் உயிரிழந்து 15 நாட்கள் ஆன நிலையில் அவருடைய மனைவி சூர்யா எந்த கவலையும் இல்லாமல் செல்போனில் தனியாக சிரித்து பேசுவதை அவருடைய உறவினர் சதீஷ்கண்ணா பார்த்து சந்தேகமடைந்து உள்ளார். சூர்யாவின் செல்போனை ரகசியமாக பரிசோதித்த சதீஷ் கண்ணா, அவருடைய வீட்டில் 15 ஆண்டுகளாக வேலை பார்த்து வந்த அதே பகுதியை சேர்ந்த சந்திரசேகரன் என்பவருடன் சூர்யா அதிகம் பேசிக்கொண்டு இருந்ததை கண்டறிந்தார். இதனால் சந்தேகம் அடைந்த உறவினர்கள் 32 வயதான சந்திரசேகரனை பிடித்து போலீசில் ஒப்படைத்தனர்.
அவரிடம் வேட்டைகாரணிருப்பு போலீசார் நடத்திய விசாரணையில் தனக்கும் சூர்யாவுக்கும் கள்ளத்தொடர்பு இருப்பதை ஒப்புக்கொண்டார். கல்லீரல் பாதிப்பிலிருந்து மீண்டு வந்த தேவேந்திரனுக்கு கடந்த ஆண்டு டிசம்பர் 28 ஆம் தேதி சூர்யாவும், சந்திரசேகரனும் சாம்பாரில் எலி மருந்தை கலந்து கொடுத்ததாகவும் தெரிவித்தார்.
சந்திரசேகரை கைது செய்த போலீசார் கணவரை கொலை செய்த சூர்யாவையும் கைது செய்தனர். வேலைக்காரனுடன் ஏற்பட்ட கள்ளக்காதலுக்காக கணவனையே விஷம் வைத்து மனைவி கொலை செய்து நாடகமாடிய சம்பவம் அப்பகுதியில் பரபரப்பை ஏற்படுத்தியுள்ளது.
நெடுந்தீவு மேற்கு, வன்னேரிக்குளம், Moissy-Cramayel, France
16 Jan, 2025
வேலணை, Ottawa, Canada, Torcy, France, Val-d'Arc, France
30 Jan, 2022
இளவாலை, யாழ்ப்பாணம், Tororo, Uganda, Cambridge, United Kingdom, London, United Kingdom
17 Jan, 2025
சுதுமலை, மருதனாமடம், வவுனியா, கொழும்பு, Harrow, United Kingdom, Coventry, United Kingdom
22 Jan, 2025
நயினாதீவு, நெதர்லாந்து, Netherlands, பிரித்தானியா, United Kingdom
25 Jan, 2021
