லங்காசிறி FM
உதயநிதியுடன் நெருங்கிய தொடர்பு.., சிவகங்கை தொகுதியில் கரு.பழனியப்பன் போட்டியிடவுள்ளாரா?
சிவகங்கை தொகுதியில் திமுக சார்பில் திரைப்பட இயக்குநர் கரு.பழனியப்பன் போட்டியிட உள்ளார் என்ற தகவல் பரவி வருகிறது.
சிவகங்கை தொகுதி
நாடாளுமன்ற தேர்தல் நெருங்கி வரும் நிலையில் அரசியல் கட்சியினர் தீவிரமாக களத்தில் இறங்கி செயல்பட்டு வருகின்றனர்.
அந்தவகையில், சிவகங்கை தொகுதியில் திமுக சார்பில் வேட்பாளர்கள் இறங்க வேண்டும் என்று திமுகவினர் ஆர்வமுடன் இருக்கின்றனர்.
இது ஒருபுறம் இருக்க, கார்த்தி சிதம்பரத்துக்கு சீட் தரக் கூடாது என காங்கிரஸ் கட்சியின் முன்னாள் மத்திய இணை அமைச்சர் இ.எம்.சுதர்சன நாச்சியப்பன், முன்னாள் எம்எல்ஏகள் கே.ஆர்.ராமசாமி, சுந்தரம் ஆகியோர் கூறி வருகின்றனர். இதனால், சிவகங்கை தொகுதியில் திமுக தான் போட்டியிடும் என்று கூறப்படுகிறது.
கரு.பழனியப்பன்?
இந்நிலையில், சிவகங்கை தொகுதியில் திமுக சார்பில் போட்டியிட அமைச்சர் ரகுபதி மகன் அண்ணாமலை, சிவகங்கை மாவட்டத் துணைச் செயலாளர்கள் சேங்கை மாறன், ஜோன்ஸ் ரூசோ, மாநில மாணவரணி துணைச் செயலாளர் பூர்ணா சங்கீதா உள்ளிட்டோர் முயற்சி செய்து வருகின்றனர்.
இவர்களை தவிர காரைக்குடியைச் சேர்ந்த திரைப்பட இயக்குநர் கரு.பழனியப்பன் பெயரும் அந்த வரிசையில் அடிபடுகிறது. அதிலும், கரு.பழனியப்பன் அமைச்சர் உதயநிதிக்கு நெருக்கமானவர் என்று சொல்லப்படுகிறது.
முன்னதாக, கருப்பு, சிவப்பு வேட்டி கட்டாத திமுக-காரர் கரு.பழனியப்பன் என்று அமைச்சர் உதயநிதி பேசியிருந்தார். இதனை வைத்து பார்க்கும் போது சிவகங்கை தொகுதி சீட்டை கரு.பழனியப்பன் வாங்கிவிடுவார் என்று பேசப்படுகிறது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
புங்குடுதீவு 5ம் வட்டாரம், புங்குடுதீவு 6ம் வட்டாரம், Montreal, Canada
19 Apr, 2013
செம்பியன்பற்று, கொழும்பு, திருச்சி, India, London, United Kingdom
24 Mar, 2026
வேலணை மேற்கு, யாழ்ப்பாணம், கொட்டடி, யாழ்ப்பாணம், Tooting, United Kingdom, Eastham, United Kingdom
24 Apr, 2024