இளவரசர் வில்லியம் கேட் தம்பதிக்கு தொல்லை கொடுக்க ஹரி மேகன் போட்ட திட்டம் படுதோல்வி...

இளவரசர் வில்லியமும் அவர் மனைவி கேட்டும் அமெரிக்காவுக்கு அரசு முறை சுற்றுப்பயணம் சென்றுள்ளார்கள்.

சரியான நேரம் பார்த்து சதி செய்த ஹரி மேகன் தம்பதி

பிரித்தானிய இளவரசர் வில்லியமும் அவரது மனைவி கேட்டும், தொண்டு நிறுவனங்களை சந்தித்தல் முதல் பல்வேறு நிகழ்ச்சிகளில் பங்கேற்பதற்காக அமெரிக்கா சென்றுள்ளார்கள்.

இந்நிலையில், சரியாக அவர்கள் அமெரிக்கா சென்றுள்ள நேரம் பார்த்து, அவர்களுடைய பணிகளுக்கு இடையூறை ஏற்படுத்தும் வகையில், ஹரி மேகன் தம்பதியர் தங்கள் நெட்ஃப்ளிக்ஸ் தொடரின் ட்ரெய்லரை வெளியிட்டுள்ளார்கள்.

Credit: Getty

வழக்கம்போல மேகன் கண்ணீர் விட, ஹரி விரக்தியுடன் தலையை சாய்த்துக்கொண்டு உட்காரும் காட்சிகளும், பிரைவசி வேண்டும், தங்கள் தனிப்பட்ட வாழ்வு வெளியே தெரியக்கூடாது என்று கூறிக்கொண்டே, கணவனும் மனைவியும் முத்தமிடும் காட்சிகளும் அந்த ட்ரெய்லரில் இடம்பெற்றுள்ளன.

தங்கள் பணிகளை பரபரப்பாக துவக்கும் நேரத்தில் இப்படி திடீரென ஹரி ட்ரெய்லரை வெளியிட்டதால் வில்லியம் சற்றே ஏமாற்றம் அடைந்ததாக கூறப்படுகிறது.

அமெரிக்க மக்களின் ஆச்சரிய ரெஸ்பான்ஸ்

பணிகளுக்கு பாதிப்பு ஏற்படுமோ, பயணத்தின் நோக்கம் நிறைவேறுமா என பல்வேறு கேள்விகள் எழ, அதெல்லாம் ஒரு விடயமே இல்லை என நிரூபித்திருக்கிறார்கள் அமெரிக்கர்கள்!

ஆம், இளவரசர் வில்லியம், கேட் தம்பதியரைக் காண மக்கள் எக்கச்சக்கமாக கூடியதில், ஒரு நகரமே ஸ்தம்பித்துப்போனது. பாஸ்டன் நகர மக்கள் ராஜ தம்பதியரை வரவேற்க உற்சாகத்துடன் கூட, இந்த அளவுக்கு வரவேற்பு இருக்கும் என்பதை எதிர்பாராத தம்பதியர் வந்த வேலையை கொஞ்சம் தள்ளிவைத்துவிட்டு, மக்களை சந்திக்க புறப்பட்டார்கள்.

உறையவைக்கும் குளிரில் நூற்றுக்கணக்கானோர் காத்திருக்க, வில்லியம் கேட் தம்பதியர் அவர்களுடன் அளவளாவச் செல்ல, இது அமெரிக்காவா அல்லது பிரித்தானியாவா என சந்தேகம் ஏற்படும் வகையில் அமெரிக்க மக்கள் திரண்டு ராஜ தம்பதியருக்கு உற்சாக வரவேற்பளித்தனர்.

Credit: PA

சென்ற இடமெல்லாம், வில்லியம், கேட், நீங்கள் அழகாக இருக்கிறீர்கள், உங்களை நேசிக்கிறோம் என்ற உற்சாகக் குரலுடன், வீட்டில் தயாரித்த வரவேற்பு பதாகைகள், மலர்ச்செண்டுகளுடன் மக்கள் காட்டிய அன்பில் தடுமாறித்தான் போனார்கள் வில்லியம் கேட் தம்பதியர்.

இளவரசி கேட்டுடன் கைகுலுக்கிய ஒரு பெண், ஆனந்தக் கண்ணீர் வடிக்க, மற்றொரு பெண்ணோ, நீங்கள் ஒரு முன்மாதிரியான தாய் என புகழாரம் சூட்ட, எதிர்பார்த்ததற்கு மாறாக தம்பதியரின் பயணம் வெற்றியாகியுள்ளது என்றே கூறலாம்.

இன்னொரு பக்கம், தன் அண்ணன் அமெரிக்கா வரும் நேரம் பார்த்து அவரை அவமதிக்க ஹரி போட்ட திட்டம் பிசுபிசுத்துப்போனது என்றும் கூறலாம்!  

Credit: PA