நியூசிலாந்து பிரதமருக்கு தன் இடத்தை கொடுத்த இளவரசர் வில்லியம்: நெகிழவைத்த சம்பவம்...

United Kingdom Prince Harry Prince William

By Balamanuvelan Sep 22, 2022 12:06 PM GMT

Balamanuvelan

in ஐக்கிய இராச்சியம்

Report

இளவரசர் வில்லியம் தனது பொறுப்பு ஒன்றை நியூசிலாந்து பிரதமர் ஜெசிந்தா ஆர்டர்னுக்கு கொடுத்துள்ளார்.

அவரோ, நான் எந்த வகையிலும் இளவரசருக்கு இணையில்லை என மிகவும் தாழ்மையுடன் தெரிவித்துக்கொண்டுள்ளார்.

பிரித்தானிய இளவரசர் வில்லியம், தான் தனது பாட்டியாருக்காக துக்கம் அனுஷ்டிப்பதால், தனது பொறுப்பு ஒன்றை நியூசிலாந்து பிரதமர் ஜெசிந்தா ஆர்டர்னுக்கு கொடுத்துள்ளார்.

அதை சற்றும் எதிர்பாராத ஜெசிந்தாவோ, நான் அவருக்கு சற்றும் இணையில்லை என நெகிழ்கிறார்.

நியூசிலாந்து பிரதமருக்கு தன் இடத்தை கொடுத்த இளவரசர் வில்லியம்: நெகிழவைத்த சம்பவம்... | William Personally Asks Jacinda Ardern Stand

image - getty image for blooberge phila

ஐக்கிய நாடுகள் பொதுச் சபை தொடர்பான நிகழ்ச்சிகளில் ஒன்றான Earthshot Prize innovation summit என்னும் சுற்றுச்சூழல் தொடர்பான நிகழ்ச்சியில், தனக்கு பதிலாக பங்கேற்குமாறு இளவரசர் வில்லியம் தனிப்பட்ட முறையில் நியூசிலாந்து பிரதமர் ஜெசிந்தாவைக் கேட்டுக்கொண்டுள்ளார்.

நியூசிலாந்து பிரதமர் ஜெசிந்தாவை அறிமுகம் செய்துவைத்து பேசிய நியூயார்க் மேயரும், பெரும் செல்வந்தருமான Mike Bloomberg, ஜெசிந்தா பருவநிலை மாற்றத்தைப் பொருத்தவரை ஒரு உலகத் தலைவர், ஒரு மேம்பட்ட உலகை கட்டி எழுப்புவதற்காக அவர் தனது வாழ்வையே அர்ப்பணித்துள்ளார் என்றார்.

அதைத் தொடர்ந்து உரையாற்றிய ஜெசிந்தா, தனது உரையின்போது, மிகவும் தாழ்மையுடன், நான் பிரித்தானிய இளவரசருக்கு எந்த வகையிலும் இணையில்லை. ஆனாலும், இப்போது அவர் தன் குடும்பத்துடன் இருக்கவேண்டிய அவசியம் உள்ளது என்பதை நாம் அனைவரும் அறிவோம் என்றார்.