இளவரசர் ஆண்ட்ரூ பட்டம் பறிப்பு: பின்னணியில் முக்கிய பங்கு வகித்த இளவரசர்

இளவரசர் ஆண்ட்ரூவின் பட்டங்கள் பறிக்கப்பட்ட விடயம் அனைவரும் அறிந்ததே. இந்நிலையில், அதன் பின்னணியில் இளவரசர் ஒருவர் இருக்கலாம் என ராஜகுடும்ப எழுத்தாளர் ஒருவர் தெரிவித்துள்ளார்.

சர்ச்சையில் சிக்கிய இளவரசர்

மோசமான பாலியல் குற்றவாளியும், அமெரிக்கக் கோடீஸ்வரருமான ஜெஃப்ரி எப்ஸ்டீனுடன் தொடர்பிலிருந்த இளவரசர் ஆண்ட்ரூ, பருவம் எய்தாத ஒரு பெண்ணுடன் உடல் ரீதியான உறவு வைத்துக்கொண்டதாக எழுந்த குற்றச்சாட்டு ராஜ குடும்பத்துக்கு பெரும் அவமானத்தைக் கொண்டுவந்தது. 

இந்நிலையில், ஆண்ட்ரூவின் முன்னாள் மனைவியான சாரா ஃபெர்குசனும் எப்ஸ்டீனுடன் தொடர்பிலிருந்ததும், எப்ஸ்டீன் சிறையிலிருந்த விடுவிக்கப்பட்டதைக் கொண்டாட, தன் இரண்டு மகள்களான பீட்ரைஸ் மற்றும் யூஜீனியை அமெரிக்காவுக்கு அழைத்துச் சென்றதும் தற்போது தெரியவர, மன்னரை பொது இடத்தில் மக்கள் மடக்கிக் கேட்கும் தர்மசங்கடமான நிலை உருவானது. 

இலவச பஸ் பாஸ் திட்டம் ரத்து: ஏமாற்றமடைந்துள்ள பிரித்தானிய மக்கள்

ஆண்ட்ரூவின் பட்டங்கள் பறிப்பு

சர்ச்சையில் சிக்கிய ஆண்ட்ரூவுக்கு கடும் எதிர்ப்பு உருவானதைத் தொடர்ந்து, அவர் தன் பட்டங்களைத் துறக்க இருப்பதாக அறிவித்தார்.

ஆனால், அதற்குள் மன்னர் சார்லஸ் ஆண்ட்ரூவின் பட்டங்களைப் பறித்தார். அத்துடன், ஆண்ட்ரூவும் அவரது முன்னாள் மனைவியும் இப்போது தங்கியிருக்கும் ராயல் லாட்ஜ் என்னும் பிரம்மாண்ட மாளிகையிலிருந்து வெளியேற உத்தரவிடப்பட்டுள்ளதாகவும் தகவல் வெளியாகியுள்ளது. 

இந்நிலையில், ஆண்ட்ரூவின் பட்டங்கள் பறிக்கப்பட்டதன் பின்னணியில் இளவரசர் வில்லியம் இருக்கலாம் என்று கூறியுள்ளார் ஆண்ட்ரூவின் சுயசரிதையை எழுதிய ஆண்ட்ரூ லோனீ (Andrew Lownie) என்பவர்.

அதாவது, ஆண்ட்ரூ தானாக தனது பட்டங்களைத் துறப்பது போதுமானதாக இருக்காது என இளவரசர் வில்லியம் வலியுறுத்தியிருக்கலாம் என்றும், அதைத் தொடர்ந்தே ஆண்ட்ரூவின் பட்டங்களை மன்னர் பறித்திருக்கலாம் என்றும் கூறியுள்ளார் லோனீ. 

பட்டங்கள், பதவிகள் பறிக்கப்பட்டும்... சகோதரரைக் கைவிடாத சார்லஸ் மன்னர்

ஏற்கனவே, ஆண்ட்ரூ, சாராவை ராயல் லாட்ஜிலிருந்து வெளியேற தூண்ட, தம்பதியரின் பிள்ளைகளான இளவரசிகள் பீட்ரைஸ் மற்றும் யூஜீனி உதவவில்லையென்றால், அவர்களுடைய பட்டங்களைப் பறிப்பது குறித்து மீளாய்வு செய்யவேண்டியிருக்கும் என அவர்கள் இருவரையும் இளவரசர் வில்லியம் மிரட்டியதாக எமிலி (Emily Maitlis) என்னும் முன்னாள் பிபிசி ஊடகவியலாளர் தெரிவித்துள்ளது குறிப்பிடத்தக்கது.