லங்காசிறி FM
யூரோ கால்பந்து போட்டியால் வேலையிழந்த இளம்பெண்... சினிமாவில் வருவது போல் ஒரு சம்பவம்
பிரித்தானியாவில், பொய் சொல்லி வேலைக்கு மட்டம் போட்டுவிட்டு கால்பந்து போட்டியைக் காண்பதற்காக சென்ற ஒரு இளம்பெண் வேலையிழந்து நிற்கும் பரிதாப நிலை ஏற்பட்டுள்ளது.
அப்படியே, சூப்பர் ஸ்டார் ரஜினிகாந்த் நடித்த தில்லு முல்லு என்ற திரைப்படத்தில் வந்த காட்சி போல நிஜத்தில் ஒரு சம்பவம் நடைபெற்றுள்ளது.
பிரித்தானியாவிலுள்ள Ilkley என்ற இடத்தைச் சேர்ந்த Nina Farooqi (37)யின் தோழி, இங்கிலாந்து பங்கேற்கும் கால்பந்து போட்டிக்கு டிக்கெட்கள் கிடைத்திருப்பதாகக் கூற, பொய் சொல்லி வேலைக்கு மட்டம் போட்டுவிட்டு கால்பந்து போட்டியைக் காணச் சென்றிருக்கிறார் Nina.
அடுத்த நாள் காலை Nina வேலைக்கு செல்வதற்காக ரயில் ஏற சென்றபோது, அவரது முதலாளி அவரை மொபைலில் அழைத்துள்ளார்.
நீ இனி கஷ்டப்பட்டு வேலைக்கு எல்லாம் வரவேண்டாம் என்று கூறிவிட்டாராம் அவர்.
ஒன்றும் புரியாமல் திகைத்த Nina என்ன விடயம் என்று விசாரிக்க, அப்போதுதான் அவருக்கு உண்மை தெரிந்திருக்கிறது.
60,000 பேருக்கு மேல் விளையாட்டு மைதானத்தில் கூடியிருந்த நிலையில், தன்னை யார் கவனிக்கப்போகிறார்கள் என்று நினைத்திருக்கிறார் Nina.
ஆனால், இங்கிலாந்து கோல் போட்டதை Ninaவும் அவரது தோழியும் கொண்டாடியதை சரியாக கமெரா ஒன்று ஃபோகஸ் செய்ய, தன் முகத்தை முதலாளி மட்டுமல்ல, உலகமே தன்னை தொலைக்காட்சியில் பார்த்திருக்கிறது என்ற உண்மை அப்போதுதான் Ninaவுக்கு புரிந்திருக்கிறது.
ஒரு பக்கம், தான் உலகம் முழுவதும் பிரபலமாகிவிட்ட சந்தோஷம், மறுபக்கம், தனக்கு வேலை போய்விட்ட சோகம் என இருவித உணர்ச்சிகளில் மூழ்கிப்போயிருக்கிறார் Nina!
