தவறுதலாக மூன்று பேருக்கு நிர்வாண புகைப்படங்களை அனுப்பிய பெண்: அதில் ஒருவர் அனுப்பிய பதிலை நீங்கள் நிச்சயம் படிக்கவேண்டும்

பிரித்தானிய பெண் ஒருவர், தவறுதலாக மூன்று பேருக்கு தன் நிர்வாண புகைப்படங்களை அனுப்பிவிட்டார்.

Buckinghamshireஐச் சேர்ந்த Roseanne Dodge (52), தன் வீட்டில் கொஞ்சம் பழுதுபார்க்கவேண்டிய வேலை இருப்பதால், பிரச்சினை உள்ள இடங்களைப் புகைப்படம் எடுத்து பழுதுபார்க்கும் பணி செய்யும் மூன்று பேருக்கு, சமூக ஊடகம் ஒன்றின் வாயிலாக அனுப்பியுள்ளார்.

யார் குறைவான பணத்துக்கு வேலை செய்ய சம்மதிக்கிறார்களோ, அவரை வேலைக்கு அழைப்பது அவரது திட்டம். ஒரு பழுது பார்க்கும் பணியாளரிடமிருந்து அவருக்கு பதில் வந்துள்ளது, அதில், மன்னிக்கவேண்டும், இந்த வேலையை வேறு யாருக்காவது கொடுங்கள், ஏதோ தவறு நடந்துள்ளதா என்ன என்று தெரியவில்லை.

நீங்கள் அனுப்பிய புகைப்படங்களை நீங்களே பாருங்கள். இது என் தொழில் கொள்கைக்கு எதிரானது, ஆகவே, இந்த வேலையை நான் செய்யமாட்டேன் என்று கூறியிருக்கிறார் அவர்.

அந்த பதிலால் குழப்பமடைந்த Roseanne, தான் அனுப்பிய புகைப்படங்களை மீண்டும் பார்வையிட்டுள்ளார். அப்போதுதான், அந்த படங்களில் ஒன்றில், தான் ஆடையின்றி இருக்கும் காட்சி, சுவரில் மாட்டப்பட்டுள்ள கண்ணாடியில் தெளிவாக தெரிவதைக் கவனித்துள்ளார்.

அவமானமடைந்த Roseanne, உடனே, தான் காலையில் எழுந்ததும் படுக்கையிலிருந்தபடியே அந்த புகைப்படங்களை எடுத்ததாகவும், தனது உருவம் அதில் பதிவாகியிருப்பதைத் தான் கவனிக்கவில்லை என்றும் கூறி மன்னிப்பும் கோரியுள்ளார்.

ஆனாலும், அந்த பணியாளரிடமிருந்து அவருக்கு பதிலே வரவில்லையாம். இரண்டாவது நபர் ஒருவரும் Roseanneக்கு எந்த பதிலும் அனுப்பாத நிலையில், மூன்றாவதாக ஒருவரிடமிருந்து மட்டும் பதில் வந்துள்ளது.

அதிர்ஷ்டவசமாக, மூன்றாவது பணியாளரின் பணி தொடர்பான செய்திகளை கவனித்து, அவருக்கு பணிகளை ஒழுங்கு செய்வது அவருடைய மனைவிதான்.

அவர் இந்த படத்தையும் செய்தியையும் பார்த்து விழுந்து விழுந்து சிரித்துவிட்டு, நல்லவேளை, அவர் அந்த படத்தைப் பார்க்கவில்லை, கவலைப்படாதீர்கள். அவருக்கு இந்த விடயம் தெரியாது, அவரை வீட்டுக்கு அனுப்புகிறேன், அவரிடம் வேலை குறித்து பேசுங்கள் என்று கூறி ஆறுதல் சொல்லியிருக்கிறார்.