லங்காசிறி FM
மகனை முதலை வாழும் கால்வாயில் தள்ளிவிட்ட பெண் இவர்தான்: சமீபத்திய தகவல்கள்
தங்கள் பிள்ளைக்கு பேச்சுத்திறனில் குறைபாடு உள்ளதால் அது தொடர்பாக ஒரு கணவன் மனைவிக்கிடையே அடிக்கடி சண்டை ஏற்பட்டுவந்த நிலையில், பிள்ளையை முதலை வாழும் கால்வாயில் வீசினார் பெண்ணொருவர்.
தற்போது அந்தப் பெண் மற்றும் அந்த சிறுவனின் புகைப்படங்களுடன் சில புதிய தகவல்களும் வெளியாகியுள்ளன.
Image: NDTV
பேச்சுத்திறன் குறைபாடு கொண்ட சிறுவன்
இந்தியாவின் கர்நாடகா மாநிலத்திலுள்ள Dandeli என்னுமிடத்தில் வாழ்ந்துவருபவர்கள் சாவித்ரி, ரவி குமார் தம்பதியர் (Savitri Kumar Shelle, 26, Ravi Kumar Shelle, 27). தம்பதியரின் மகன் வினோத், பேச்சுத்திறன் குறைபாடு கொண்டவன். மகனுடைய குறைபாடு காரணமாக தம்பதியருக்குள் அடிக்கடி சண்டை வருவதுண்டாம்.
தாய் செய்த பயங்கர செயல்
இந்நிலையில், இம்மாதம், அதாவது, மே மாதம் 4ஆம் திகதியும், மகன் தொடர்பில் தம்பதியருக்குள் சண்டை ஏற்பட்டுள்ளது. வாக்குவாதம் முற்ற, மகனைத் தூக்கிக்கொண்டுபோய் முதலைகள் வாழும் ஒரு கால்வாயில் வீசியிருக்கிறார் சாவித்ரி.
பின்னர் சாவித்ரி சத்தமிட, ஊரார் திரண்டதுடன் பொலிசாருக்கும் தகவலளித்துள்ளார்கள். பொலிசார் நீச்சல் வீரர்களுடன் சம்பந்தபட்ட கால்வாயில் தேடல் நடவடிக்கைகளைத் துவங்க, பிள்ளை கிடைக்கவில்லை. மறுநாள் காலை, பிள்ளையில் உடல் பாகங்கள் சில தென்பட, ஒரு முதலை பிள்ளையின் உடலுடன் நீந்திச் செல்வதை சிலர் பார்த்திருக்கிறார்கள்.
Image: Getty Images
தற்போது, அந்த சிறுவனில் உடல் கிடைத்துள்ளதாக தகவல் வெளியாகியுள்ளது. சில உடல் பாகங்கள் இல்லாமல், கடித்துக் குதறப்பட்ட நிலையில் கிடைத்துள்ள அந்த உடலை பொலிசார் உடற்கூறு ஆய்வுக்காக அனுப்பியுள்ளார்கள்.
இதற்கிடையில், பழியை தன் கணவர் மீது போட்டுள்ளாராம் சாவித்ரி. அந்தச் சிறுவன் எப்போதும் தூங்கிகொண்டேயிருப்பானாம். அதனால், அவனால் எந்த பயனும் இல்லை, அவனை சாகவிடு என ரவி குமார் கூறிக்கொண்டேயிருப்பார் என்று கூறியுள்ளார் சாவித்ரி. தம்பதியர் மீது பொலிசார் கொலை வழக்குப் பதிவு செய்து விசாரணை மேற்கொண்டுவருகிறார்கள்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
ஆனைக்கோட்டை, யாழ்ப்பாணம், தெல்லிப்பழை வீமன்காமம், வவுனியா, கொழும்பு, Toronto, Canada, Ottawa, Canada
19 Mar, 2026
