லங்காசிறி FM
200 ரன் வித்தியாசத்தில் இமாலய வெற்றி! நியூஸிலாந்திடம் தரைமட்டமான ஜிம்பாப்வே அணி
Sivaraj
in கிரிக்கெட்
ஜிம்பாப்வே மகளிர் அணிக்கு எதிரான கடைசி ஒருநாள் போட்டியில் நியூசிலாந்து 200 ஓட்டங்கள் வித்தியாசத்தில் இமாலய வெற்றி பெற்றது.
நியூசிலாந்து 303 ஓட்டங்கள்
நியூஸிலாந்து மற்றும் ஜிம்பாப்வே மகளிர் அணிகளுக்கு இடையிலான 3வது மற்றும் கடைசி ஒருநாள் போட்டி யூனிவர்சிட்டி ஓவலில் நடந்தது.
முதலில் களமிறங்கிய நியூஸிலாந்து அணியில் மேடி க்ரீன் (Maddy Green) 12 பவுண்டரிகளுடன் 94 (73) ஓட்டங்களும், அமெலியா கெர் (Amelia Kerr) 80 ஓட்டங்களும் விளாசினர்.
ப்ரூக் ஹாலிடே 40 ஓட்டங்களும், இஸ்ஸி ஷார்ப் 25 ஓட்டங்களும் எடுக்க, நியூஸிலாந்து 303 ஓட்டங்கள் குவித்தது. பின்னர் ஆடிய ஜிம்பாப்வே 39 ஓட்டங்களுக்கு 2 விக்கெட்டுகள் என்ற நிலையில் இருந்தது.
அதன் பின்னர் நியூஸிலாந்தின் மிரட்டலான பந்துவீச்சை சமாளிக்க முடியாமல், ஜிம்பாப்வே வீராங்கனைகள் அடுத்தது ஆட்டமிழந்து வெளியேறினர்.
27.1 ஓவர்கள் மட்டுமே தாக்குப்பிடித்த ஜிம்பாப்வே 103 ஓட்டங்களுக்கு சுருண்டது. அதிகபட்சமாக லோரீன் ஷுமா 41 பந்துகளில் 1 சிக்ஸர், 6 பவுண்டரிகளுடன் 34 ஓட்டங்கள் எடுத்தார்.
200 ரன் வித்தியாசத்தில் வெற்றி
துடுப்பாட்டத்தில் மிரட்டிய அணித்தலைவர் அமெலியா கெர் 22 ஓட்டங்கள் மட்டுமே விட்டுக்கொடுத்து 5 விக்கெட்டுகளை வீழ்த்தினார்.
நியூஸிலாந்து அணி 200 ஓட்டங்கள் வித்தியாசத்தில் இமாலய வெற்றி பெற்றது. இதன்மூலம் ஒருநாள் தொடரை 3-0 என கைப்பற்றி நியூஸிலாந்து அணி ஜிம்பாப்வேயை வாஷ்அவுட் செய்தது.
முன்னதாக டி20 தொடரையும் 3-0 என்ற கணக்கில் நியூஸிலாந்து கைப்பற்றியிருந்தது குறிப்பிடத்தக்கது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
பதுளை, புங்குடுதீவு 6ம் வட்டாரம், யாழ்ப்பாணம், பிரான்ஸ், France
28 Feb, 2026
Kuala Lumpur, Malaysia, உரும்பிராய், Ilford, United Kingdom
12 Mar, 2025
நெடுந்தீவு மேற்கு 4ம் வட்டாரம், நெடுந்தீவு, பிரான்ஸ், France, London, United Kingdom, நல்லூர்
09 Feb, 2026
Ittavil, எழுதுமட்டுவாள், திருகோணமலை, London, United Kingdom
07 Mar, 2023
