மகளிர் டி20 உலகக் கோப்பை: பாகிஸ்தானை 6 விக்கெட் வித்தியாசத்தில் வீழ்த்திய இந்தியா
மகளிர் டி20 உலகக் கோப்பையில் பாகிஸ்தானை 6 விக்கெட் வித்தியாசத்தில் வீழ்த்தியது இந்திய அணி.
துபாயில் உள்ள சர்வதேச கிரிக்கெட் மைதானத்தில் இன்று (ஞாயிற்றுக்கிழமை) நடைபெற்ற இப்போட்டியில் நாணயசுழற்சியை வென்ற பாகிஸ்தான் அணி துடுப்பாட தேர்வு செய்தது.
பாகிஸ்தான் அணி 20 ஓவர்களில் 8 விக்கெட் இழப்புக்கு 105 ஓட்டங்கள் எடுத்தது.
பதிலுக்கு துடுப்பெடுத்தாடிய இந்திய அணி 18.5 ஓவர்களில் 4 விக்கெட்டுக்களை மாத்திரம் இழந்து வெற்றி இலக்கை அடைந்தது.
மகளிர் டி20 உலகக் கோப்பையில் பாகிஸ்தானுக்கு எதிராக 8 போட்டிகளில் விளையாடிய இந்திய அணி பெற்ற 6-வது வெற்றி இதுவாகும்.
கேப்டன் ஹர்மன்பிரீத் கவுர் 29 ஓட்டங்கள் எடுத்து ஆட்டமிழந்தார். அதிகபட்சமாக ஷபாலி வர்மா 32 ஓட்டங்கள் எடுத்தார்.
அருந்ததி ரெட்டி 3 விக்கெட்டுகளை வீழ்த்தினார். அருந்ததி ஆட்டநாயகியாக தேர்வு செய்யப்பட்டார்.
பாகிஸ்தான் அணியில் அதிகபட்சமாக நிடா தார் 28 ஓட்டங்கள் எடுத்தார். முனீபா அலி 17 ஓட்டங்களும், அரூப் ஷா 14 ஓட்டங்களும், பாத்திம் சனா 13 ஓட்டங்களும் எடுத்தனர். மற்றவர்களால் சிறப்பான எதுவும் செய்ய முடியவில்லை.
இந்திய தரப்பில் அருந்ததி ரெட்டி 3 விக்கெட்டுகளையும், ஷ்ரேயங்கா பாட்டீல் 2 விக்கெட்டுகளையும் வீழ்த்தினர். தீப்தி ஷர்மா, ஆஷா ஷோபனா, ரேணுகா சிங் ஆகியோர் தலா 1 விக்கெட் எடுத்தனர்.
உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
India vs Pakistan ICC Women's T20 World Cup 2024