வெனிசுலா, சவுதி அரேபியா அல்ல... உலகின் மிகப்பெரிய எண்ணெய் இருப்பைக் கொண்டுள்ள நாடு

ஈரான் மீதான இஸ்ரேல் மற்றும் அமெரிக்காவின் போர், உலகச் சந்தையில் மிகப்பெரிய எரிபொருள் நெருக்கடியை ஏற்படுத்தியுள்ளது.

எண்ணெய் இருப்பு

இத்தகைய சூழலில், எண்ணெய்க்காகப் பிற நாடுகளைச் சார்ந்திருக்கும் நாடுகள், தங்களுக்கான தனிப்பட்ட உத்திசார் எண்ணெய் இருப்புகளைப் பராமரிக்கின்றன.

எண்ணெய் விநியோகம் தடைபடும் காலங்களில், இந்த இருப்புகள் பயன்படுத்தப்படுகின்றன. உலக எரிபொருள் சந்தைகளில் முக்கியப் பங்கு வகிக்கும் நாடுகள், உத்திசார் எண்ணெய் இருப்புகளைப் பராமரிக்கின்றன.

சந்தை நிலையைச் சீர்படுத்த உதவும் வகையில், போர் அல்லது அவசர காலங்களில் இவ்விருப்புகள் பயன்படுத்தப்படுகின்றன. வெளியாகியுள்ள தரவுகளின் அடிப்படையில், உலகளவில், சீனா மிகப்பெரிய எண்ணெய் இருப்புகளைக் கொண்டுள்ளது.

சீனாவிடம் தற்போது சுமார் 900 மில்லியன் பீப்பாய்கள் கச்சா எண்ணெய் இருப்புள்ளது. இதன் அண்டை நாடான ஜப்பானிடம் 470 மில்லியன் பீப்பாய்கள் கச்சா எண்ணெய் இருப்பு உள்ளது.

எரிபொருள் நெருக்கடி... அரசு நிறுவனங்களில் 30 சதவீத சம்பளம் குறைக்கும் ஆசிய நாடொன்று

ஆனால், இந்தியாவிடம் தோராயமாக 390 மில்லியன் பீப்பாய்கள் கச்சா எண்ணெய் இருப்பில் உள்ளது. இதனிடையே, சர்வதேச எரிசக்தி முகமை, ஜி7 நாடுகளைத் தங்கள் உத்திசார் எண்ணெய் இருப்புகளை விடுவிக்குமாறு வலியுறுத்தியிருந்தது.

ஆனால் இந்தியா மட்டும் அதற்கு ஒப்புக்கொள்ளவில்லை. இந்தியாவின் தற்போதைய கச்சா எண்ணெய் விநியோக நிலைமை பாதுகாப்பாக உள்ளது என்றே இந்தியா தரப்பில் தெரிவிக்கப்பட்டுள்ளது.

நாட்டிற்குள் பெட்ரோல் மற்றும் டீசல் விநியோகம் முழுமையாக உறுதி செய்யப்பட்டுள்ளது; மேலும், மாற்று வழிகள் வாயிலாக LNG சரக்குகள் ஏறக்குறைய தினசரி அடிப்படையில் வந்துகொண்டிருப்பதாகவும் தெரிவிக்கப்பட்டுள்ளது.

வெளியான தகவலின் அடிப்படையில், அமெரிக்க எரிசக்தித் தகவல் நிர்வாகம், அமெரிக்கா தனது உத்திசார் பெட்ரோலிய இருப்பில் (Strategic Petroleum Reserve) சுமார் 415.4 மில்லியன் பீப்பாய்கள் கச்சா எண்ணெயைக் கொண்டுள்ளது என்று குறிப்பிடுகிறது.

இது தவிர அமெரிக்கா, தனியார் நிறுவனங்களால் பராமரிக்கப்படும் வணிகக் கையிருப்புகளில் சுமார் 439.3 மில்லியன் பீப்பாய் எண்ணெயையும் கொண்டுள்ளது.