பிரபலமாவதற்காக உணவகம் ஒன்றில் இளைஞர் செய்யும் மோசமான செயல்கள்: ஒரு உவ்வே வீடியோ!

இளைஞர் ஒருவர் தன் வீடியோக்கள் பிரபலமாவதற்காக அமெரிக்க உணவகம் ஒன்றில் செய்யும் மோசமான செயல்களை வீடியோவாக்கி வெளியிட்டுள்ளார்.

அதிகம் பேர் தன் வீடியோக்களை பார்வையிடவேண்டும் என்பதற்காக சர்ச்சை வீடியோக்களை உருவாக்கி வெளியிடுபவர் Jumanne Way.

Rhode Island என்ற இடத்தைச் சேர்ந்த இந்த இளைஞர், தனது வீடியோக்கள் அதிகம் பகிரப்படவேண்டும் என்பதற்காக ரிஸ்க் எடுக்கும் ஒரு நபர்.

ஆனால், அவர் சமீபத்தில் அமெரிக்க உணவகம் ஒன்றில் செய்த ஒரு மோசமான செயல் அவரது வேலைக்கே உலை வைத்துள்ளது. ஆனால், தன் வீடியோக்களால் தனக்கு வரும் பணத்தை ஒப்பிடும்போது தனக்கு ஏற்படும் இழப்புகள் பெரிதல்ல என்கிறார் Jumanne.

அந்த வீடியோவில், சாண்ட்விச் முதலான உணவுப்பொருட்களில் வைக்கப்பட உள்ள இறைச்சி, காய்கறிகள் முதலானவற்றை, கழிவறைக் கோப்பை ஒன்றின் மீதும், கழிவறையின் தரையிலும் பரப்பி வைத்துள்ளார் அவர்.

பின்னர் உணவுப்பொருட்கள் வைக்கப்பட்டுள்ள பாத்திரங்களை வரிசையாக அடுக்கிவைத்து அவற்றுக்குள் கால்கள் படும்படியாக உணவை மிதித்து நடந்துவிட்டு, அந்த உணவுப்பொருட்களை மீண்டும் எடுத்த இடத்திலேயே திரும்பவும் அடுக்கிவைக்கிறார்.

அத்துடன், உணவுப்பொருட்களையும், பன் முதலானவற்றையும் கீழே கொட்டிவிட்டு மறுபடியும் அவை இருந்த இடத்தில் வைப்பதும், ஜூஸ் போத்தல்களைத் திறந்து எச்சில்படுத்திவிட்டு மூடி மறுபடியும் பிரிட்ஜுக்குள் வைப்பது போன்ற அருவருப்பான செயல்களைச் செய்து அவற்றை வீடியோவாக பதிவி செய்கிறார் Jumanne.

அந்த உணவுப்பொருட்கள் மீண்டும் மக்கள் சாப்பிடும் உணவாக மாறலாம் என்பதை எண்ணும்போது ஏற்படும் அருவருப்பு உணர்வை தவிர்க்க இயலவில்லை.

இதனால் தான் தண்டிக்கப்பட்டாலும் பரவாயில்லை, தன் வீடியோக்கள் அதிகம் பகிரப்பட்டு தனக்கு பணம் வந்தால் போதும் என்கிறார் Jumanne.

இந்த வீடியோக்கள் வெளியானதைத் தொடர்ந்து, Jumanne உடனடியாக பணிநீக்கம் செய்யப்படுள்ளதாக அவர் வேலை செய்த உணவகம் தெரிவித்துள்ளது.