10 வயதில் YouTube: ரூ.41 கோடிக்கு சொந்தக்காரர்... யார் இந்த அஜய் நாகர்?

10 வயதில் தனது வாழ்க்கையைத் தொடங்கிய இந்த யூடியூபர், தனக்கென ஒரு முக்கிய இடத்தை செதுக்கி, சுமார் 40 மில்லியனுக்கும் அதிகமான சப்ஸ்கிரைபர் (subscribers) வைத்துள்ளார்.

இவர் தனது சிறிய வயதிலேயே சொந்தமாக உழைக்க ஆரம்பித்து, தற்போது பல கோடிக்கு அதிபதியாக இருந்து வருகிறார். இவர் பற்றிய ஒரு சில சுவாரஸ்ய விடயங்களை பார்க்கலாம்.  

யார் இந்த அஜய் நாகர்?

தற்போதைய காலக்கட்டத்தில் இருக்கும் சமூகத்தினர் இணையத்தில் வைரலாகி தங்களது திறமையை வெளிக்கொண்டு வர வேண்டும் என்று நினைத்த பல விடயங்களை செய்து வருகின்றனர். 

இதற்கு எல்லாம் உறுதுணையாக இருப்பது இந்த யூடியூப் என்று தான் கூறலாம். இதில் பலரும் தங்களுக்கென்று ஒரு கணக்கை ஆரம்பித்து அதில் பல வீடியோக்களை பதிவேற்றம் செய்து, கோடிக்கணக்கில் மக்களையும் பார்க்க வைத்துக்கொள்கின்றார்கள்.

இதனால் சம்பாதிக்கவும் தொடங்கிவிட்டார்கள். யூடியூப் மூலமாக மட்டுமே பல கலைஞர்கள் வெளியுலகத்திற்கு தெரிய வந்துள்ளார்கள். அதில் ஒருவர் தான் இந்த அஜய் நாகர்.

இவர் தனக்கென்று ஒரு யூடியூப் செனல் வைத்து பல வீடியோக்களை பதிவேற்றம் செய்து மக்களை கவர்ந்துக்கொண்டுள்ளார்.  

கேமிங் மற்றும் யூடியூப்பை ரசிக்கும் அனைவருக்கும் அஜய் நகரை பற்றி தெரிந்திருக்க வாய்ப்புண்டு. அவரது நகைச்சுவையான திரைக்கதைகள் மற்றும் டிஸ் திரைப்படங்கள் சமூக உலகில் தனக்கென ஒரு அடையாளத்தை உருவாக்க உதவியது.

1999 ஆம் ஆண்டு ஜூன் 12 திகதி ஹரியானா மாநிலம் ஃபரிதாபாத்தில் பிறந்தார். இவர் 2016 ஆம் ஆண்டில் யூடியூப் வாழ்க்கையில் கவனம் செலுத்த ஆரம்பித்தார்.

YouTube வாழ்க்கை

அவரது முக்கிய யூடியூப் சேனல் 2014 முதல் செயலில் இருந்து வருகிறது. நாகர் 2014 இல் AddictedA1 என்ற யூடியூப் சேனலைத் தொடங்கினார், அங்கு அவர் வீடியோ கேம் மற்றும் எதிர்வினை வீடியோக்களை வெளியிட்டார்.

2019-ம் ஆண்டு யூடியூப் பிரபலமான PewDiePie வெறுப்பேற்றும் வகையில் “Bye PewDiePie” என்ற பாடலை வெளியிட்டார்.  

இதையடுத்து தனது சகோதரர் வில்லி ஃப்ரென்சியோடு சேர்ந்து உருவாக்கிய “Trigger” என்ற பாடலையும் வெளியிட்டார்.

இதையும் தவிர “Zindagi,” “Warrior,” “Yalgaar,” போன்ற பாடல்களையும் அடுத்தடுத்த ஆண்டுகளில் வெளியிட்டார். 

பின் மே 2021 இல் 30 மில்லியன் சப்ஸ்கிரைபர்களையும் (subscribers), ஆகஸ்ட் 2023 இல் 40 மில்லியன் சப்ஸ்கிரைபர்களையும் பெற்றார். இதன் மூலம் பல கோடிக்கு அதிபதியாகினார்.

?? pic.twitter.com/0oynq8uq9e

— Ajey Nagar (@CarryMinati) August 11, 2023

சொத்து மதிப்பு

இவரின் இன்றைய சொத்து மதிப்பானது சுமார் ரூ.41 கோடி ஆகும். இதில் பெரும்பாலான தொகை யூடியூப் மற்றும் பிராண்ட் ஸ்பான்ஸர்ஷிப் மூலம் கிடைத்தவை.  

சமீபத்தில் ஒரு நேரலை வந்ததன் மூலம் கிடைத்த 12.5 லட்சத்தையும் முதலமைச்சரின் நிவாரண நிதிக்கு வழங்கினார்.

We raised INR 4,30,845.15 from yesterday's stream & I have added INR 1.5 lacs from my side in the donation so in total we have collectively donated INR 5,80,846 towards floods victims. Thank you to everyone for coming together & helping the people of our country as always Sabko… pic.twitter.com/n7PRvyF1w9

— Ajey Nagar (@CarryMinati) July 17, 2023

2020 ஆம் ஆண்டு ஃபோர்பஸ் பத்திரிக்கையின் 30 வயதிற்கும் குறைவான ஆசிய பணக்காரர்களின் பட்டியலிலும் இடம்பிடித்துள்ள அஜய், ஒரு மாதத்திற்கு ரூ.25 லட்சம் சம்பாதிக்கிறார். 

மேலும் யூடியூப் மூலம் ஓர் ஆண்டிற்கு மாத்திரம் ரூ.4 கோடி வரை வருமானம் கிடைகிறது என்பது குறிப்பிடத்தக்கது.