லங்காசிறி FM
நடிகை மும்தாஜ் வீட்டில் கொடுமைப்படுத்தப்பட்ட இளம்பெண்கள்! வெளியான பரபரப்பு தகவல்
Sivaraj
in பொழுதுபோக்கு
பிரபல நடிகை மும்தாஜ் வீட்டில் கொடுமைப்படுத்தப்பட்டதாக எழுந்த புகாரின் பேரில், 17 வயது சிறுமி உட்பட இரண்டு பெண்கள் மீட்கப்பட்ட சம்பவம் பரப்பை ஏற்படுத்தியுள்ளது.
சென்னை அண்ணா நகரில் உள்ள எச் பிளாக் குடியிருப்பு ஒன்றில், நடிகை மும்தாஜ் தனது சகோதரருடன் வசித்து வருகிறார். அவரது வீட்டில் இருந்து தொலைபேசி வாயிலாக பொலிசை தொடர்புகொண்ட இளம்பெண் ஒருவர், மும்தாஜ் தன்னை மிரட்டி கொடுமைப்படுத்துவதாக அதிர்ச்சி புகார் அளித்தார்.
இதனைத் தொடர்ந்து உடனடியாக மும்தாஜின் வீட்டிற்கு விரைந்த பொலிசார், புகார் தெரிவித்த இளம்பெண்ணுடன் அவரது சகோதரியான 17 வயது சிறுமியையும் மீட்டனர். அவர்களிடம் மேற்கொண்ட விசாரணையில், மும்தாஜின் வீட்டில் இருவரும் 6 ஆண்டுகளாக வேலை பார்த்து வருவதாகவும், தங்களை மும்தாஜ் கொடுமைப்படுத்துவதாகவும் தெரிவித்தனர். மேலும் பக்கத்து வீட்டில் வேலைக்கு சேர முயன்றபோது மும்தாஜின் ஆட்கள் தங்களை மிரட்டியதாகவும் கூறினர்.
அதன் பின்னர் அவர்களின் தாயாரை தொலைபேசியில் தொடர்புகொண்டு விசாரித்தபோது, குறித்த பெண்கள் இருவரும் உத்தர பிரதேசத்தை சேர்ந்தவர்கள் என்றும், சமீபகாலமாக கொடுமைக்கு உள்ளாக்கப்பட்டதாக அப்பெண்கள் அவரிடம் புகார் அளித்ததாகவும் தெரிய வந்தது.
அப்பெண்களின் தாயாரின் வாக்குமூலத்தை பெற்றுக் கொண்ட பொலிசார், பாதிக்கப்பட்ட பெண்கள் இருவரையும் காப்பகத்தில் சேர்த்தனர். குறித்த இரு பெண்களும் 6 ஆண்டுகளாக வேலை பார்த்து வருகிறார்கள் என்றால், மைனர்களாக இருக்கும்போதே வேலைக்கு சேர்க்கப்பட்டுள்ளனர். எனவே குழந்தை தொழிலாளர் சட்டத்தின் கீழ் நடவடிக்கை எடுக்க உள்ளதாக பொலிசார் தரப்பில் தகவல் வெளியாகியுள்ளது.
இயக்கச்சியில் அமைந்துள்ள ReeCha organic Farm இல் ஒரு குறுகிய பொழுது பாரிய மாற்றத்தை தங்கள் வாழ்க்கையில் ஏற்படுத்த ஒவ்வொருவரையும் அன்போடு அழைக்கின்றோம்.
தெல்லிப்பழை, கொழும்பு, Dubai, United Arab Emirates, Scarborough, Canada
25 Sep, 2022
சண்டிலிப்பாய், காங்கேசன்துறை, அளவெட்டி வடக்கு, சிட்னி, Australia
02 Oct, 2020
வறுத்தலைவிளான், யாழ்ப்பாணம், கோண்டாவில், கொழும்பு, அநுராதபுரம்
25 Sep, 2022
