லங்காசிறி FM
இருசக்கர வாகனம் உரசியதால் இளைஞர் அடித்துக்கொலை! அதிர வைத்த சம்பவம்
இந்திய மாநிலம் மகாராஷ்டிராவில் இளைஞர் ஒருவரை மூன்று பேர் கொண்ட கும்பல் கடுமையாக தாக்கிக் கொன்ற சம்பவம் அதிர்ச்சியை ஏற்படுத்தியது.
இருசக்கர வாகனம் உரசல்
மகாராஷ்டிராவின் பால்கர் மாவட்டம் Nalasoparaவில் ரோஹித் யாதவ் என்ற 21 வயது இளைஞர் இருசக்கர வாகனத்தில் சென்று கொண்டிருந்தார்.
தனது நண்பருடன் சென்று கொண்டிருந்த ரோகித், அவ்வழியாக வந்த மற்றொரு இருசக்கர வாகனத்தின் மீது உரசியதாக கூறப்படுகிறது. இதில் அந்த வாகனத்தின் பக்கவாட்டு கண்ணாடி உடைந்துள்ளது.
இதனால் ஆத்திரமடைந்த வாகனத்தில் பயணித்த மூவர் ரோகித்தை விரட்டி பிடித்து கடுமையாக தாக்கியுள்ளனர். பின்னர் அங்கிருந்து தப்பிச் சென்றுள்ளனர். நண்பரை காப்பாற்ற முயன்ற விவேக் சௌத்ரியும் தாக்குதலுக்கு ஆளானார்.
Getty Images/iStockphoto
பரிதாப பலி
இதனையடுத்து மருத்துவமனையில் அனுமதிக்கப்பட்ட ரோகித் யாதவ் சிகிச்சை பலன் இல்லாமல் பரிதாபமாக உயிரிழந்தார். மன்னிப்பு கோரிய போதும் அதனை ஏற்காமல் அந்த கும்பல் அடித்ததாகவும், ரோகித்தின் தலை, முகம், நெஞ்சு மற்றும் அந்தரங்க பகுதி என அவர்கள் கடுமையாக தாக்கியதாகவும் விவேக் பொலிஸாரிடம் தெரிவித்தார்.
இதனைத் தொடர்ந்து இச்சம்பவம் தொடர்பில் வழக்குப்பதிவு செய்த பொலிஸார் விசாரணையை தொடர்ந்து வருகின்றனர்.
வாகனம் உரசி கண்ணாடி உடைந்த காரணத்தினால் தாக்குதலுக்கு உள்ளாகி இளைஞர் ஒருவர் உயிரிழந்த சம்பவம் பெரும் அதிர்ச்சியை ஏற்படுத்தியுள்ளது.
Representative image
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
அரியாலை, கொழும்பு, Georgetown, Guyana, Edgware, United Kingdom
17 Jun, 2025
புங்குடுதீவு 1ம் வட்டாரம், வேலணை மேற்கு, வேலணை வடக்கு, London, United Kingdom
27 Jun, 2026