லங்காசிறி FM
உலகம் உங்களை எதிர்நோக்குகிறது! கடவுள் ஆசீர்வதிப்பார் - கோஹ்லிக்கு முன்னாள் வீரரின் வாழ்த்து
Sivaraj
in கிரிக்கெட்
இந்திய கிரிக்கெட் வீரர் விராட் கோஹ்லிக்கு முன்னாள் வீரர் யுவ்ராஜ் சிங் வாழ்த்து கூறியுள்ளார்.
36வது பிறந்தநாள்
விராட் கோஹ்லி இன்று தனது 36வது பிறந்தநாளை கொண்டாடுகிறார். அவருக்கு சக வீரர்கள், பிரபலங்கள் மற்றும் ரசிகர்கள் என பலரும் வாழ்த்துக்களை தெரிவித்து வருகின்றனர்.
அந்த வகையில் இந்திய அணியின் முன்னாள் வீரர் யுவ்ராஜ் சிங்கும் தனது வாழ்த்தினை எக்ஸ் தளத்தில் பதிவிட்டுள்ளார்.
அதில் அவர், "கிங் கோஹ்லிக்கு இனிய பிறந்தநாள் வாழ்த்துக்கள்! நம் பின்னடைவில் இருந்துதான் பாரிய அளவில் மீண்டு வருவோம். நீங்கள் திடமாக மீண்டு வருவதை உலகம் ஆவலுடன் எதிர்நோக்கிறது. கடந்த காலத்தில் நீங்கள் அதை செய்திருக்கிறீர்கள். அதையே நீங்கள் மீண்டும் செய்வீர்கள் என்று நான் நம்புகிறேன். மிகுந்த அன்புடன் கடவுள் உங்களை ஆசீர்வதிப்பார்" என தெரிவித்துள்ளார்.
அத்துடன் விராட் கோஹ்லியுடன் ஒன்றாக விளையாடிய தருணங்கள் மற்றும் பேசிய வீடியோ, புகைப்படங்களையும் யுவ்ராஜ் சிங் பகிர்ந்துள்ளார். சமீப காலமாக விராட் கோஹ்லி துடுப்பாட்டத்தில் தடுமாறி வருகிறது.
பழைய பார்மிற்கு வர வேண்டும்
குறிப்பாக நியூசிலாந்துக்கு எதிரான டெஸ்ட் போட்டிகளில் சொதப்பியதால் கடுமையான விமர்சனங்களை அவர் எதிர்கொண்டார்.
இதனை சுட்டிக்காட்டி மீண்டும் பழைய பார்மிற்கு வர வேண்டும் என்பதையே யுவ்ராஜ் சிங் தனது வாழ்த்து பதிவில் குறிப்பிட்டுள்ளார்.
2010/11 உலகக்கிண்ண தொடரின் மேற்கிந்திய தீவுகளுக்கு எதிரான போட்டியில், கோஹ்லி மற்றும் யுவ்ராஜ் சிங் கூட்டணி 122 ஓட்டங்கள் குவித்தது என்பது குறிப்பிடத்தக்கது.
| மேலும் கிரிக்கெட் உள்ளிட்ட விளையாட்டு செய்திகளை பார்வையிட நமது WHATSAPP குழுவில் இணையுங்கள் JOIN NOW |
புங்குடுதீவு 10ம் வட்டாரம், Toronto, Canada, பேர்ண், Switzerland
06 Nov, 2023
