பாகிஸ்தானை கதற விட்ட ஜிம்பாப்வே! சொந்த மண்ணில் வரலாற்று வெற்றி பெற்று சாதனை
ஜிம்பாப்வே அணிக்கெதிரான இரண்டாவது டி20 போட்டியில் பாகிஸ்தான் அணி 19 ஓட்டங்கள் வித்தியாசத்தில் தோல்வியடைந்துள்ளது.
ஜிம்பாப்வேக்கு சுற்றுப்பயணம் மேற்கொண்டுள்ள பாகிஸ்தான் அணி, அங்கு முதலில் 3 டி20 போட்டிகள் கொண்ட தொடரில் விளையாடி வருகிறது. இதில் முதல் டி20 போட்டியில் பாகிஸ்தான் அணி வெற்றி பெற்றது.
இதையடுத்து இரு அணிகளுக்கிடையேயான இரண்டாவது டி20 போட்டி இன்று நடைபெற்றது.
அதன் படி முதலில் ஆடிய ஜிம்பாப்வே அணிக்கு துவக்க வீரர்களில் ஒருவரான Brendan Taylor 5 ஓட்டங்கள் எடுத்த நிலையிலும், மற்றொரு துவக்க வீரரான Kamunhukamwe 34 ஓட்டங்களிலும், வெளியேற, அடுத்து வந்த வீரர்கள் சொற்ப ஓட்டங்களில் வெளியேறியதால், ஜிம்பாப்வே அணி 20 ஓவர் முடிவில் 8 விக்கெட் இழப்பிற்கு 118 ஓட்டங்கள் எடுத்தது.
அதன் பின் 119 ஓட்டங்கள் எடுத்தால் வெற்றி என்ற எளிதான இலக்குடன் களமிறங்கிய பாகிஸ்தான் அணிக்கு துவக்க வீரரான Mohammad Rizwan 13 ஓட்டங்களில் வெளியேறினார்.
இவரைத் தொடர்ந்து வந்த Fakhar Zaman 2 ஓட்டங்களில் வந்த வேகத்தில் வெளியேற, அடுத்து வந்த வீரர்களும், வந்த வேகத்தில் பவுலியன் திரும்பினர். இருப்பினும் தனி ஒருவனாக பாகிஸ்தான் அணியின் கேப்டன் பாபர் அசாம் விளையாடி வந்தார். ஆனாலும், அவர் 41 ஓட்டங்களில் வெளியேற, இறுதியாக பாகிஸ்தான் அணி 19.5 ஓவரில் அனைத்து விக்கெட்டையும் இழந்து வெறும் 99 ஓட்டங்கள் மட்டுமே எடுத்து, 19 ஓட்டங்கள் வித்தியாசத்தில் தோல்வி அடைந்தது.
இந்த வெற்றியின் மூலம் 3 போட்டிகள் கொண்ட தொடரில் இரு அணிகளும் தலா ஒரு வெற்றியுடன் 1-1 என்று சமநிலையில் உள்ளது.