லங்காசிறி FM
இரத்த நாளங்களை இளமையாக வைத்திருக்க உதவும் உணவுப்பொருட்கள்: சுவிஸ் ஆய்வு முடிவுகள்
Balamanuvelan
in சுவிட்சர்லாந்து
சில வகை உணவுப்பொருட்கள், இரத்த நாளங்களை இளமையாக வைத்திருக்க உதவுவதாக சுவிஸ் ஆய்வொன்றில் தெரியவந்துள்ளது.
இரத்த நாளங்களுக்கு நன்மை செய்யும் உணவுப்பொருட்கள்
பொதுவாக, முழு தானியங்கள் இரத்த நாளங்களை இளமையாக வைத்திருக்க உதவுவதாக சூரிக் பல்கலை ஆய்வொன்றில் தெரியவந்துள்ளது.
அதாவது, ஃபைபர் மற்றும் ஆன்டி ஆக்ஸிடன்ட்களும், anti-inflammatory குணங்களும் கொண்ட முழு தானியங்கள், உடலின் இரத்தக்குழாய்களை இளமையாக வைத்திருக்க உதவுவதாக அந்த ஆய்வு தெரிவிக்கிறது.
அதே நேரத்தில், இறைச்சி, பால் பொருட்கள் மற்றும் செயற்கை இனிப்பு பயன்படுத்தப்படும் பானங்களை குறைத்துக்கொள்வது நல்லது என்கிறது அந்த ஆய்வு.
காரணம், இந்த உணவுப்பொருட்களில் பினைல் அலனைன் என்னும் ஒரு அமினோ அமிலம் உள்ளது.
குடலுக்குள் காணப்படும் கிளாஸ்ட்ரிடியம் என்னும் ஒருவகை நுண்ணுயிரி, இந்த பினைல் அலனைன் என்னும் அமினோ அமிலத்தை பினைல் அசிட்டிக் அமிலமாக மாற்றுகிறது.
இந்த பினைல் அசிட்டிக் அமிலம், இரத்த நாளங்களின் உள் பக்கம் அமைந்துள்ள செல்களை முதுமையடையச் செய்வதை ஆய்வகப் பரிசோதனையில் கண்டுபிடித்துள்ளார்கள் ஆய்வாளர்கள்.
ஆக, இறைச்சி, பால் பொருட்கள் மற்றும் செயற்கை இனிப்பு பயன்படுத்தப்படும் பானங்கள் இரத்த நாளங்களின் உள் பக்கம் அமைந்துள்ள செல்களை முதுமையடையச் செய்கின்றன.
அதே நேரத்தில், short-chain fatty acids என்னும் உட்பொருட்களைக் கொண்டுள்ள, ஃபைபர் நிறைந்த உணவான முழு தானியங்கள், இரத்த நாளங்களை இளமையாக வைத்திருக்க உதவுவதும் ஆய்வில் தெரியவந்துள்ளது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
காரைநகர் களபூமி, ஓட்டுமடம், யாழ்ப்பாணம், Markham, Canada
25 May, 2025
புங்குடுதீவு 9ம் வட்டாரம், கிளிநொச்சி, டென்மார்க், Denmark, London, United Kingdom
01 Jun, 2015