உலக சாம்பியன் கார்லசனை வீழ்த்திய 15 வயது இந்திய சிறுவன்

Chess Delhi India

By Karthikraja Aug 27, 2026 02:20 PM GMT

Karthikraja

in மற்றவைகள்

Report

15 year old indian beat magnus Carlsen: செஸ் போட்டியில் உலக சாம்பியன் கார்லசனை வீழ்த்திய 15 வயது இந்திய சிறுவன் அதனை கொண்டாடாமல் தூங்க சென்றுள்ளார்.

கார்லசனை வீழ்த்திய 15 வயது இந்திய சிறுவன்

செஸ் விளையாட்டில் உலகின் முதல்நிலை வீரராக இருப்பவர் நார்வேயை சேர்ந்த மேக்னஸ் கார்ல்சன்(Magnus Carlsen).

உலக சாம்பியன் கார்லசனை வீழ்த்திய 15 வயது இந்திய சிறுவன் | 15 Year Old Indian Beat Magnus Carlsen In Chess

பிரபல இணைய செஸ் தளமான Chess.com ல் வாரந்தோறும் Title Tuesday என்ற போட்டி நடைபெறும்.

இதில், கடந்த ஆகஸ்ட் ஆகஸ்ட் 18 ஆம் திகதி நடைபெற்ற போட்டியில் டெல்லியை சேர்ந்த வந்தன் அலங்கார் சவாய்(Vandan Alankar Sawai) என்ற 15 வயது சிறுவன் கலந்து கொண்டார்.

அவரை எதிர்த்து மேக்னஸ் கார்ல்சன் விளையாடினார். உலகின் முதல்நிலை வீரரை எதிர்த்து விளையாடுகிறோம் என்ற பயம் இல்லாமல் விளையாடியுள்ளார்.

50வது நகர்வில் தனது தோல்வியை ஒப்புக்கொண்டு கார்ல்சன் வெளியேறியுள்ளார்.

உலகின் முதல்நிலை வீரரை வீழ்த்தியதற்கு எந்த ஒரு கொண்டாட்டமும் இல்லாமல் வந்தன் தூங்க சென்று விட்டார்.

உலக சாம்பியன் கார்லசனை வீழ்த்திய 15 வயது இந்திய சிறுவன் | 15 Year Old Indian Beat Magnus Carlsen In Chess

அவரது தந்தையும் முன்னாள் வங்கி அதிகாரியுமான அலங்கார் சவாய், Chess.comல் பார்த்தபோது தான் தனது மகன் வந்தன், கார்ல்சனை வீழ்த்தியது கண்டு அதிர்ச்சியும் ஆச்சரியமும் அடைந்துள்ளார்.

மறுநாள் இது குறித்து அவரது தந்தை கூறிய பிறகே வந்தனின் பயிற்சியாளரான குர்பிரீத் பால் சிங்கிற்கு இந்த விடயம் தெரிந்துள்ளது.

குர்பிரீத் பால் சிங் வந்தனுக்கு 7 ஆண்டுகளாக பயிற்சியளித்து வந்துள்ளார். வந்தன் சற்று அமைதியானவன், அதிகம் பேசாமாட்டான். அது கூச்ச சுபாவம் இல்லை ஆனால் ஒதுங்கி இருப்பான். அவன் தந்தை கூறி தான் எனக்கு இந்த வெற்றி தெரியும் என கூறியுள்ளார்.

இந்த வெற்றி குறித்து பேசிய வந்தன், "இழப்பதற்கு எதுவுமில்லை என்பதால் சுதந்திரமாக விளையாடினேன்" என கூறியுள்ளார்.

வந்தனின் தாய் அவரது சகோதரருடன் விளையாடும் போது வந்தனும் விளையாட கற்று வெற்றி பெற துவங்கியுள்ளார். ஆனால் வந்தன் செஸ் விளையாட்டை முழுநேரத் தொழிலாக மாற்றுவாரா என்பது உறுதியில்லை என்றாலும், சர்வதேச மாஸ்டர் பட்டத்தை கைப்பற்றுவது அவரது உடனடி இலக்காக உள்ளது.

அவருக்கு திரைப்படங்கள், புனைகதைகள் போன்றவற்றில் ஆர்வமில்லை. போர்கள் பற்றிய புத்தகங்களை படிப்பதில் ஆர்வம் காட்டுகிறார். எதிர்காலத்தில் வரலாற்றுத் துறை அல்லது அரசியல் அறிவியல் துறையில் படிக்க விரும்புவதாக தெரிவித்துள்ளார்.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள்.

மேலும் மற்றவைகள் செய்திகளைப் படிக்க இங்கே அழுத்தவும்

முக்கிய செய்திகள் பிரபலமானவை

இன்றைய செய்திகள்