லங்காசிறி FM
இலங்கை வன்முறை சம்பவம் தொடர்பாக 159 பேர் கைது! பொலிஸ் அதிரடி
இலங்கையில் மே 9ம் திகதி நடந்த வன்முறை தொடர்பாக 159 பேர் கைது செய்யப்பட்டுள்ளதாக காவல்துறை அறிவித்துள்ளது.
இலங்கையில் மே 9ம் திகதி இடம்பெற்ற வன்முறையில் 8 பேர் உயிரிழந்தனர், 200-க்கும் மேற்பட்டோர் காயமடைந்தனர்.
இதனிடையே, வன்முறையில் ஈடுபட்டவர்களை அடையாளம் காண மக்கள் தகவல் அளித்து உதவி வேண்டும் என இலங்கை பொலிஸ் வேண்டுகோள் விடுத்திருந்தது.
இந்நிலையில் இலங்கை பொலிஸ் வெளியிட்டுள்ள அறிக்கையில், 2022 ஆம் ஆண்டு மே மாதம் 9 ஆம் திகதி இடம்பெற்ற வன்முறைச் சம்பவங்கள் மற்றும் அதன் பின்னரான நாட்களில் 756 புகார்கள் கிடைக்கப்பெற்றுள்ளன.
வன்முறை சம்பவம் தொடர்பாக ஞாயிற்றுக்கிழமை (15) 159 பேர் கைது செய்யப்பட்டனர்.
3 நாட்களுக்கு இதை தவிர்க்க வேண்டும்... இலங்கை மக்களிடம் எரிசக்தி அமைச்சர் முக்கிய கோரிக்கை
தற்போது 159 பேர் விளக்கமறியலில் வைக்கப்பட்டுள்ளனர். சம்பவங்களுடன் தொடர்புடைய சந்தேக நபர்களை கைது செய்ய பல சிஐடி குழுக்கள் பணியாற்றி வருகின்றன, அதே நேரத்தில் 76 பேரின் புகைப்படங்கள் ஊடகங்களில் வெளியிடப்பட்டன.
இலங்கை பொலிஸாரால் தேடப்பட்டு வரும் இந்த சந்தேக நபர்களை கைது செய்வதற்கு பொதுமக்களின் உதவி வேண்டும் என இலங்கை பொலிஸ் கோரிக்கை விடுத்துள்ளது.
