பிரபலமாவதற்காக dusting சவாலில் பங்குபெற்ற 19 வயது பெண் உயிரிழப்பு

சமூகவலைத்தளங்களில் அவ்வப்போது நெட்டிசன்கள் பலரும் ஒரு சவாலான விடயங்களை செய்து வீடியோ வெளியிடுவது உண்டு.

சில நேரங்களில், இந்த சமூகவலைத்தள சவால்கள், உயிரை பறித்து விடுவதுண்டு.

19 வயது மாணவி உயிரிழப்பு

அதே போல், அமெரிக்காவை சேர்ந்த 19 வயது மாணவி சமூகவலைத்தள சவாலை மேற்கொண்டது அவரின் உயிரைப் பறித்துள்ளது. 

'Dusting Challenge' என்ற பெயரில், கீ போர்டை சுத்தம் செய்யும் ஸ்பிரேவை சுவாசிக்கும் சவால் சமூக வலைத்தளங்களில் ட்ரெண்ட் ஆனது.

அமெரிக்காவின் அரிசோனாவை சேர்ந்த Renna O'Rourke என்ற 19 வயதான இளம்பெண், கடந்த வாரம் கீ போர்டை சுத்தம் செய்யும் ஸ்பிரேவை தனது காதலருடன் சேர்ந்து இணையத்தில் ஆர்டர் செய்து வாங்கியுள்ளார்.

அதன் பின்னர் அந்த ஸ்பிரேவை சுவாசித்த அவர், உடனடியாக மாரடைப்பு ஏற்பட்டு அவசர சிகிச்சை பிரிவில் அனுமதிக்கப்பட்டார்.

ஒரு வாரம் அவசர சிகிச்சை பிரிவில் சிகிச்சை பெற்று வந்த அவர், தற்போது மூளைச் சாவு அடைந்ததாக அறிவிக்கப்பட்டுள்ளார்.

மருத்துவர் கவலை

இது குறித்து பேசிய அந்த மாணவியின் பெற்றோர், "அவள் எப்போதும் நான் பிரபலமாக போகிறேன் என கூறிக்கொண்டிருப்பாள். தற்போது துரதிஷ்டமான விடயம் நிகழ்ந்துள்ளது" என தெரிவித்துள்ளார்.

இந்த செயல் குறித்து கவலை தெரிவித்த தீவிர சிகிச்சைப் பிரிவு மருத்துவர் ராண்டி வெய்ஸ்மேன், "இவ்வாறான ஆபத்தான செயல் ஒரு குறுகிய கால மகிழ்ச்சியான உணர்வை ஏற்படுத்தக்கூடும். ஆனால் இதன் மூலம் ஏற்படும் பாதிப்பு நிரந்தரமானது.

இது கல்லீரல் செயலிழப்பு, இதய செயலிழப்பு, நுரையீரல் நோய் ஆகியவற்றிற்கு வழிவகுக்கும், இதற்கு பல இளம்வயதினர் உயிரிழந்து வருகின்றனர் என தெரிவித்துள்ளார்.