லங்காசிறி FM
தமிழ்நாட்டில் 193 கோடீஸ்வர எம்.எல்.ஏ.க்கள் - குறைந்த சொத்துள்ள தவெக எம்.எல்.ஏ
2026 தமிழ்நாடு சட்டமன்ற தேர்தலில் தமிழக வெற்றிக் கழகம் ஆட்சியை கைப்பற்றிய நிலையில், தவெக தலைவர் விஜய் நேற்று தமிழ்நாடு முதலமைச்சராக பொறுப்பேற்று கொண்டார்.
இன்று தமிழ்நாடு சட்டமன்றம் கூடிய நிலையில், தற்காலிக சபாநாயகர் கருப்பையா அனைத்து சட்டமன்ற உறுப்பினர்களுக்கும் பதவி பிரமாணம் செய்து வைத்தார்.
ஜனநாயக சீர்திருத்தங்களுக்கான சங்கம் (ADR) என்ற அமைப்பு தமிழ்நாடு எம்.எல்.ஏக்களின் வேட்புமனு பிரமாண பாத்திரத்தை ஆய்வு செய்து அறிக்கை வெளியிட்டுள்ளது.
தமிழ்நாடு எம்.எல்.ஏ. களின் சொத்து மதிப்பு
233 எம்எல்ஏக்களின் மொத்த சொத்து மதிப்பு ரூ.11,265 கோடியாக உள்ளது.
இதில் அதிமுகவை சேர்ந்த லால்குடி எம்.எல்.ஏ லீமா ரோஸ் ரூ.5,863 கோடி சொத்துக்களுடன் முதலிடத்தில் உள்ளார்.
தமிழ்நாடு முதலமைச்சர் விஜய் ரூ.648 கோடி சொத்து மதிப்புடன் 2வது இடத்திலும், அமைச்சர் ஆதவ் அர்ஜுனா ரூ.534 கோடி சொத்து மதிப்புடன் 3வது இடத்திலும் உள்ளனர்.
லீமா ரோஸ், அமைச்சர் ஆதவ் அர்ஜுனாவின் மாமியார் ஆவார்.
திமுகவில் அதிகபட்சமாக பொள்ளாச்சி எம்.எல்.ஏ கே. நித்யானந்தன் ரூ.170 கோடி சொத்து வைத்துள்ளார்.
மிகக்குறைந்த சொத்து மதிப்பு
இதில், 233 எம்.எல்.ஏக்களில் 193 பேர் ரூ.1 கோடிக்கும் அதிகமாக சொத்துக்கள் வைத்துள்ளது தெரிய வந்துள்ளது.
இதில், 107 தவெக எம்.எல்.ஏக்களில் 77 பேர்(72%) கோடீஸ்வரர்களாக உள்ளனர். 59 திமுக எம்.எல்.ஏகளில் 57 பேர்(97%) கோடீஸ்வரர்களாகவும், 47 அதிமுக எம்.எல்.ஏ களில் 44 பேர்(94%) கோடீஸ்வரர்களாகவும் உள்ளனர்.
தவெக எம்.எல்.ஏக்களின் சராசரி சொத்து மதிப்பு ரூ.27.09 கோடி ஆகவும், அதிமுக எம்.எல்.ஏக்களின் சராசரி சொத்து மதிப்பு ரூ.152.89 கோடி ஆகவும், திமுக எம்.எல்.ஏக்களின் சராசரி சொத்து மதிப்பு ரூ.14.34 கோடி ஆகவும் உள்ளது.
மிகக்குறைந்த சொத்து மதிப்பு வைத்துள்ளவர்களில் தவெகவை சேர்ந்த ராணிப்பேட்டை எம்.எல்.ஏ தாஹிரா ரூ.33,000 உடன் உள்ளார்.
குறைந்த சொத்து மதிப்புள்ள முதல் 10 எம்.எல்.ஏக்களில் 9 பேர் தவெகவினர்.
சிபிஐ கட்சியை சேர்ந்த திருத்துறைப்பூண்டி எம்.எல்.ஏ மாரிமுத்து ரூ. 7,16,326 உடன் அந்த பட்டியலில் இடம் பிடித்துள்ளார்.
2021 ஆம் ஆண்டு தேர்வு செய்யப்பட்ட எம்.எல்.ஏக்களின் சராசரி சொத்து மதிப்பு ரூ12 கோடி ஆக இருந்த நிலையில், 2026 ஆம் ஆண்டு ரூ.48 கோடியாக அதிகரித்துள்ளது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
புங்குடுதீவு 9ம் வட்டாரம், மடத்துவெளி புங்குடுதீவு, சுன்னாகம், கொழும்பு, Brampton, Canada
09 May, 2026
துன்னாலை, ஆத்தியடி பருத்தித்துறை, திருகோணமலை, கோண்டாவில், வெள்ளவத்தை, New Jersey, United States, Toronto, Canada
14 May, 2023
புங்குடுதீவு 8ம் வட்டாரம், கொழும்பு, முல்லைத்தீவு, Den Helder, Netherlands
10 May, 2020
