லங்காசிறி FM
ஊழல் மிகுந்த நாடுகளின் பட்டியல் ; முன்னேறிய இந்தியா - இலங்கையின் நிலை என்ன?
அனைத்து அரசுகளும் ஊழலை ஒழிப்போம், லஞ்சத்தை ஒழிப்போம், நேர்மையான நிர்வாகம் நடத்துவோம் என கூறி தான் ஆட்சி செய்கின்றன. ஆனால் உலகளவில் ஊழல் முக்கிய பிரச்சனையாக உள்ளது.
2025 ஊழல் குறியீடு
ஒவ்வொரு ஆண்டும், உலக நாடுகளின் ஊழல், லஞ்சம் தொடர்பாக டிரான்ஸ்பரன்சி இன்டர்நேஷனல் என்ற அமைப்பு ஆய்வு செய்து 2025 ஆம் ஆண்டுக்கான Corruption Perceptions Index (CPI) அறிக்கையை வெளியிட்டுள்ளது.
இதில், ஊழல் மிகுந்த நாடுகள் நாடுகள் குறைந்த மதிப்பெண்களுடன் கடைசி வரிசையிலும், ஊழல் குறைந்த நாடுகள் அதிக மதிப்பெண்களுடன் முன்னிலையிலும் வரிசைப்படுத்தப்பட்டுள்ளது.
இதில், மொத்தமுள்ள 182 நாடுகளில் ஊழல் குறைந்த நாடாக டென்மார்க் 89 மதிப்பெண்கள் பெற்று முதலிடத்தில் உள்ளது.
88 மதிப்பெண்களுடன் பின்லாந்து 2வது இடத்திலும், 84 மதிப்பெண்களுடன் சிங்கப்பூர் 3வது இடத்திலும் உள்ளது. 81 மதிப்பெண்களுடன் நியூசிலாந்து மற்றும் நோர்வே 4வது இடத்திலும் உள்ளது.
80 மதிப்பெண்களுடன் ஸ்வீடன் மற்றும் சுவிட்சர்லாந்து 6வது இடத்திலும், 78 மதிப்பெண்களுடன் லுக்சம்பெர்க் மற்றும் நெதர்லாந்து 8வது இடத்திலும், 77மதிப்பெண்களுடன் ஜேர்மனி மற்றும் ஐஸ்லாந்து 10வது இடத்திலும் உள்ளது.
76 மதிப்பெண்களுடன் அவுஸ்திரேலியா 6 வது இடத்திலும், 75மதிப்பெண்களுடன் கனடா 16வது இடத்திலும், 70மதிப்பெண்களுடன் பிரித்தானியா 20 வது இடத்திலும், 69 மதிப்பெண்களுடன் ஐக்கிய அரபு அமீரகம் 21வது இடத்திலும், 66 மதிப்பெண்களுடன் பிரான்ஸ் 27வது இடத்திலும், 64 மதிப்பெண்களுடன் அமெரிக்கா 29வது இடத்திலும் உள்ளது.
இந்தியா, இலங்கையின் நிலை?
2024 ஆம் ஆண்டில் 96வது இடத்தில் இருந்த இந்தியா, இந்த ஆண்டு 39 மதிப்பெண்களுடன் 5 இடங்கள் முன்னேறி 91வது இடத்தில் உள்ளது.
35 மதிப்பெண்களுடன் இலங்கை 107வது இடத்திலும், 28 மதிப்பெண்களுடன் பாகிஸ்தான் 136வது இடத்திலும், 24 மதிப்பெண்ணுடன் வங்கதேசம் 150வது இடத்திலும் உள்ளது.
அதிக ஊழல்களுடன் சோமாலியா மற்றும் தெற்கு சூடான் 9 மதிப்பெண்கள் பெற்று 181வது இடத்திலும், 10 மதிப்பெண்களுடன் வெனிசுலா 179வது இடத்திலும் உள்ளது.
இதில் ஊழல் குறித்து செய்தி வெளியிடும் பத்திரிக்கையாளர்களுக்கு மிக ஆபத்தாக உள்ள நாடுகளில் இந்தியாவும் பட்டியலிடப்பட்டுள்ளது.
போர் இல்லாத பகுதிகளில் கடந்த 2012 முதல் 829 பத்திரிகையாளர்கள் கொல்லப்பட்டுள்ளனர். இதில் 80% அதிகமானவை 50க்கும் குறைந்த CPI மதிப்பெண்களை வைத்துள்ள பிரேசில், இந்தியா , மெக்சிகோ பாகிஸ்தான் மற்றும் ஈராக்கில் நடைபெற்றுள்ளது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
கல்வியங்காடு, யாழ்ப்பாணம், கொழும்பு, Colindale, United Kingdom
06 Feb, 2026
அனலைதீவு 7ம் வட்டாரம், வட்டக்கச்சி, பிரான்ஸ், France
22 Jan, 2025
புங்குடுதீவு 3ம் வட்டாரம், கோண்டாவில்
10 Feb, 1996
