லங்காசிறி FM
உலகளாவிய சக்தி வாய்ந்த வான்படை - சீனாவை முந்திய இந்தியா
2026 ஆம் ஆண்டில் உலகளாவிய வான் சக்தியில் இந்தியா சீனாவை முந்தியுள்ளது.
சக்தி வாய்ந்த வான்படை நவீன இராணுவ விமானங்களின் உலகக் கோப்பகம் (WDMMA), உலகளாவிய வான் சக்தியின் 2026 ஆம் ஆண்டுக்கான தரவரிசையை வெளியிட்டுள்ளது.
மொத்தப் போரிடும் வலிமையை மட்டுமல்லாமல், தொழில்நுட்ப நவீனமயமாக்கல், தளவாட ஆதரவு, மற்றும் தாக்குதல் மற்றும் பாதுகாப்புத் திறன்கள் உள்ளிட்ட பல்வேறு காரணிகளை கணக்கில் கொண்டு இந்த தரவரிசையை வெளியிட்டுள்ளது.
விமானங்களின் மொத்த எண்ணிக்கையை மட்டும் மதிப்பிடப்படாமல், அவற்றின் உண்மையான தரம், விமானக் குழுவின் பொதுவான சமநிலை மற்றும் பணி சார்ந்த திறன்கள் ஆகியவற்றின் அடிப்படையிலும் TVR மதிப்பிடப்பட்டு 103 நாடுகளில் உள்ள 129 இராணுவ விமானப் பிரிவுகளுக்குத் தரவரிசை அளிக்கப்பட்டுள்ளது.
சீனாவை முந்திய இந்தியா
242.9 TVR மதிப்பெண்களுடன் அமெரிக்க விமானப்படை இந்த பட்டியலில் முதலிடத்தில் உள்ளது.
142.4 TVR மதிப்பெண்களுடன் அமெரிக்க கடற்படை 2வது இடத்திலும், 114.2 TVR மதிப்பெண்களுடன் ரஷ்யா விமானப்படை 3வது இடத்திலும், 112.6 TVR மதிப்பெண்களுடன் அமெரிக்க இராணுவம் 4வது இடத்திலும், 85.3 TVR மதிப்பெண்களுடன் அமெரிக்க மரைன்கள் 5வது இடத்திலும் உள்ளது.
இந்த தரவரிசையில் 69.4 TVR மதிப்பெண்களுடன் இந்திய விமானப்படை 6வது இடத்தில் உள்ளது.
63.8 TVR மதிப்பெண்களுடன், சீன விமானப்படை 7வது இடத்தில் உள்ளது.
ஜப்பானிய விமானப்படை 5வது இடத்திலும், இஸ்ரேலிய விமானப்படை9வது இடத்திலும், பிரான்ஸ் விமானப்படை 10வது இடத்திலும் உள்ளது.
46.3 TVR மதிப்பெண்களுடன், பாகிஸ்தான் விமானப்படை 18வது இடத்தில் உள்ளது.
இந்திய கடற்படை விமானப்பிரிவு 27வது இடத்திலும், இந்திய ராணுவ விமானப்பிரிவு 36வது இடத்திலும் உள்ளது.
இதே போல் ஈரானிய விமானப்படை 42வது இடத்திலும், ஈரானிய ராணுவ விமானப்படை 90வது இடத்திலும், ஈரானிய கடற்படை விமானப்பிரிவு 93வது இடத்திலும் உள்ளது.
கடைசியாக 0.3 TVR மதிப்பெண்களுடன் ஆப்கானிஸ்தான் விமானப்படை 107வது இடத்தில் உள்ளது. இந்த தரவரிசையில் இலங்கை இடம் பெறவில்லை.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
மலேசியா, Malaysia, மானிப்பாய், Duisburg, Germany, London, United Kingdom
10 Jul, 2026
புதுக்குளம், Ilford, United Kingdom, பிரித்தானியா, United Kingdom
10 Jul, 2019
புங்குடுதீவு 11ம் வட்டாரம், மல்லாவி, ஆனைப்பந்தி, Toronto, Canada
21 Jul, 2025
