மகிழ்ச்சியான நாடுகளின் பட்டியல் - இந்தியாவை பின்னுக்கு தள்ளிய பாகிஸ்தான்

ஆக்ஸ்போர்டு பல்கலைக்கழகத்தின் நல்வாழ்வு ஆராய்ச்சி மையம், Gallup அமைப்புடன் இனைந்து 2026 ஆம் ஆண்டுக்கான மகிழ்ச்சியான நாடுகளின் பட்டியலை சர்வதேச மகிழ்ச்சி தினமான இன்று வெளியிட்டுள்ளது.

9 ஆண்டுகளாக முதலிடத்தில் பின்லாந்து

இந்த பட்டியலில் 9வது ஆண்டாக பின்லாந்து தொடர்ந்து முதலிடத்தை தக்க வைத்துள்ளது. 

ஐஸ்லாந்து 2வது இடத்திலும், டென்மார்க் 3 வது இடத்திலும், கோஸ்டா ரிகா 4 வது இடத்திலும், ஸ்வீடன் 5 வது இடத்திலும் உள்ளது.

2023 ஆம் ஆண்டில் 23வது இடத்தில் இருந்த படிப்படியாக முன்னேறி 4வது இடத்தை அடைந்துள்ளது.

நார்வே 6 வது இடத்திலும், நெதர்லாந்து 7வது இடத்திலும், ஈரான் மீது போர் நடத்தி வரும் இஸ்ரேல் 8 வது இடத்திலும், லக்சம்பர்க் 9 வது இடத்திலும், சுவிட்சர்லாந்து 10 வது இடத்திலும் உள்ளது.

இந்தியாவை பின்னுக்கு தள்ளிய பாகிஸ்தான்

மேலும், அமெரிக்கா 23வது இடத்திலும், கனடா 25வது இடத்திலும், பிரித்தானியா 29வது இடத்திலும் உள்ளது. 

வளைகுடா நாடுகளில் இருந்து அதிகம் பணம் பெறும் இந்திய மாநிலங்கள் - தமிழ்நாடு எந்த இடத்தில்?

கடந்த ஆண்டு 118 வது இடத்தில் இருந்த இந்தியா, இந்த ஆண்டு 2 இடங்கள் முன்னேறி 116வது இடத்தை அடைந்துள்ளது. 

அண்டை நாடுகளான சீனா 65வது இடத்திலும், பாகிஸ்தான் 104 வது இடத்திலும், நேபாளம் 99வது இடத்திலும், இலங்கை 134வது இடத்திலும், ஆப்கானிஸ்தான் 134வது இடத்திலும் உள்ளது. ஈரான் 97வது இடத்தில் உள்ளது.

சமூக ஊடக தாக்கம்

மேற்கத்திய நாடுகள் 2005 - 2010 ஆண்டுக்கு இடைப்பட்ட காலத்தில் இருந்ததை விட இப்போது மகிழ்ச்சி குறைந்த நிலையில் உள்ளதாக கூறப்படுகிறது. இதற்கு சமூக ஊடகம் பயன்பாடு முக்கிய காரணமாக இருப்பது தெரிய வந்துள்ளது.  

குறிப்பாக ஒவ்வொரு நாளும் 7 மணி நேரத்திற்கும் மேலாக சமூக ஊடகங்களை பயன்படுத்துவது, குறைந்த நல்வாழ்வுடன் தொடர்புடையது என்று ஆராய்ச்சியாளர்கள் சுட்டிக்காட்டியுள்ளனர். குறிப்பாக இளவயது பெண்கள் அதிகளவில் பாதிக்கப்பட்டுள்ளது தெரிய வந்துள்ளது.