லங்காசிறி FM
உக்ரைனுக்கு ரூ.17,400 கோடி ராணுவ உதவி! ஐரோப்பிய நாடுகள் அறிவிப்பு
உக்ரைன் பாதுகாப்புக்கு ஐரோப்பிய நாடுகள் ரூ.17,400 கோடி (21 பில்லியன் யூரோ) ராணுவ உதவியை அறிவித்துள்ளன.
உக்ரைனுக்கு ரூ.17,400 கோடி ராணுவ உதவி
உக்ரைன் போர் தீவிரமடைந்துள்ள நிலையில், ஐரோப்பிய நாடுகள் உக்ரைன் ராணுவத்துக்கு ரூ.17,400 கோடி (21 பில்லியன் யூரோ) ராணுவ உதவியை அறிவித்துள்ளன.
ஜேர்மனி மட்டும் அடுத்த 4 ஆண்டுகளில் ரூ.9,000 கோடி (11 பில்லியன் யூரோ) ராணுவ உதவி வழங்குகிறது. இது மொத்த உதவியில் பாதிக்கும் அதிகமாகும்.
பிரஸ்ஸல்ஸில் நேட்டோ தலைமையகத்தில் நடந்த உக்ரைன் பாதுகாப்பு தொடர்பு குழு கூட்டத்தில் இந்த அறிவிப்பு வெளியானது.
அத்துடன் உக்ரைனுக்கு அதிநவீன வான் பாதுகாப்பு அமைப்புகள், ஏவுகணைகள், டிரோன்கள் மற்றும் ராணுவ தளவாடங்கள் வழங்க ஐரோப்பிய நாடுகள் முடிவு செய்துள்ளன.
அமெரிக்க ஜனாதிபதி டொனால்ட் டிரம்ப் அமைதி பேச்சுவார்த்தை குறித்து பேசியபோதும் போர் முடிவுக்கு வரவில்லை என்று ஐரோப்பிய நாடுகள் தெரிவித்துள்ளன.
உக்ரைனுக்கு பிரித்தானியா ராணுவ உதவி
உக்ரைனுக்கு ஐரோப்பிய நாடுகள் தொடர்ந்து ஆதரவு அளிக்கும் என பிரித்தானிய பாதுகாப்பு அமைச்சர் ஜான் ஹீலே தெரிவித்தார்.
உக்ரைனுக்கு ஐரோப்பிய நாடுகள் தொடர்ந்து ஆதரவு அளிக்கும் என பிரிட்டன் பாதுகாப்பு அமைச்சர் ஜான் ஹீலே தெரிவித்தார்.
மேலும் பிரித்தானியா மற்றும் நார்வே இணைந்து ரூ.4000 கோடி (450 மில்லியன் பவுண்ட்) ராணுவ தளவாடங்களை வழங்குகின்றன.
இதில் ராடார் அமைப்புகள், பீரங்கி எதிர்ப்பு கண்ணிவெடிகள், வாகன பழுது மற்றும் டிரோன்கள் அடங்கும்.
பிரித்தானியா ஏற்கனவே உக்ரைனுக்கு ரூ.40,000 கோடி (4.5 பில்லியன் பவுண்ட்) ராணுவ உதவி அளித்துள்ளது குறிப்பிடத்தக்கது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
நுவரெலியா, மட்டக்களப்பு, கொழும்பு, Michigan, United States
11 Apr, 2025
வல்வெட்டித்துறை, யாழ்ப்பாணம், கொழும்பு, பிரித்தானியா, United Kingdom, Toronto, Canada
11 Apr, 2024
குடத்தனை, வராத்துப்பளை, Montreal, Canada, Cornwall, Canada
07 Apr, 2025
