லங்காசிறி FM
27 வயதில் DNA பரிசோதனை செய்துகொண்ட பெண்: அதிர்ச்சியை ஏற்படுத்திய பரிசோதனை முடிவுகள்
இளம்பெண் ஒருவருக்கு, பல ஆண்டுகளாகவே, தான் தன் தந்தையைப் போலவோ, தன் அக்காக்களைப்போலவோ இல்லை என்னும் எண்ணம் மனதை உறுத்திக்கொண்டே இருந்திருக்கிறது.
DNA பரிசோதனையின் முடிவுகளால் ஏற்பட்ட அதிர்ச்சி
தான் மட்டும் ஏன் வித்தியாசமாக இருக்கிறேன் என பல ஆண்டுகளாக எண்ணிய இளம்பெண் ஒருவர், தனது 27ஆவது வயதில் உண்மையை அறிந்துகொள்வதற்காக DNA பரிசோதனை செய்துகொண்டார்.
DNA பரிசோதனையின் முடிவுகள் குடும்பத்தையே சிதறடிக்கும் அளவுக்கு பயங்கரமாக இருந்தன.
ஆம், 70 வயதாகும் தன் தந்தை, இத்தனை ஆண்டுகள் தன்னை அன்புடன் நேசித்த தன் தந்தை, உண்மையில் தன் தந்தை இல்லை என DNA பரிசோதனையில் தெரியவரவே, கடும் அதிர்ச்சிக்குள்ளானார் அந்த இளம்பெண்.
Image: Getty Images
பல ஆண்டுகளாக மனதை உறுத்திக்கொண்டிருந்த விடயம்
தான் சிறுமியாக இருக்கும்போது, தன் தாய்க்கும் வேறொருவருக்கும் தவறான உறவு இருப்பதாக அரசல் புரசலாக கேள்விப்பட்டிருந்தார் அந்தப் பெண்.
அத்துடன், தான் மட்டும் தன் தந்தையைப் போலவோ, தன் அக்காக்களைப்போலவோ இல்லை என்னும் விடயத்தையும் நன்கறிந்திருந்ததால், தனது 27ஆவது வயதில் DNA பரிசோதனை செய்துகொண்டார் அவர்.
அவர் பயந்ததுபோலவே, தன்னை வளர்த்தவர் தன் தந்தை இல்லை என்று கூறின DNA பரிசோதனையின் முடிவுகள்.
Image: Getty Images
கண்ணீர் விட்ட தாய்
தன் தாய் தன் அப்பாவை ஏமாற்றிய விடயம் அவருக்குத் தெரிந்தே ஆகவேண்டும் என்று எண்ணுகிறார் அவர். ஆகவே, நேரடியாகவே தன் தாயை மடக்கிக் கேள்வி கேட்டிருக்கிறார் அந்தப் பெண். அவரது தாயோ, அது உண்மைதான் என்று ஒப்புக்கொண்டதுடன், அப்பாவிடம் சொல்லவேண்டாம், வயதான அவரால் அதைத் தாங்கிக்கொள்ளமுடியாது, அவர் அதிர்ச்சியில் உயிரிழந்துவிடக்கூடும் என கண்ணீர் விட்டு அழுதவண்ணம் கூறியுள்ளார்.
இப்போது, உண்மையாகவே இந்த விடயம் தெரிந்தால், தன்னை இத்தனைக் காலம் அன்புடன் வளர்த்த, இப்போதும் நேசிக்கும் தன் அப்பாவுக்கு ஏதாவது ஆகிவிடுமோ என பயப்படுகிறார் அவர்.
ஆகவே, சமூக ஊடகம் ஒன்றில் இந்த செய்தியை வெளியிட்டு, நான் என்ன செய்யட்டும் என கேட்டிருக்கிறார் அவர்.
பலரும் பல ஆலோசனைகளைக் கூறியுள்ள நிலையில், ஒருவர், DNA பரிசோதனை என்ன சொன்னாலும், உன்னை அன்புடன் வளர்த்த அவர்தான் உன் அப்பா, அதை இனி யாரும் மாற்றமுடியாது, ஒன்று தெரிந்துகொள், பிள்ளைகள் வளரும் காலத்தில், எல்லா பிள்ளைகளுக்கும் அன்புள்ள, ஆதரவு காட்டும் அப்பா கிடைப்பதில்லை என்பதை நினைவில் கொள் என ஆலோசனை கூறியுள்ளார்.
யாழ்ப்பாணம், யாழ் அச்சுவேலி தோப்பு, Jaffna, பேர்ண், Switzerland
19 Nov, 2025
அச்சுவேலி, Woodbridge, Canada
18 Dec, 2010
புங்குடுதீவு 3ம் வட்டாரம், யாழ்ப்பாணம், நீர்கொழும்பு, பிரான்ஸ், France
16 Dec, 2016
