FlyDubai விமான பேரழிவு தவிர்க்கப்பட்ட விவகாரம்: 6 வயது சிறுமியின் பங்கு

6 year old girl played vital role in stopping FlyDubai disaster: FlyDubai விமான பேரழிவு தவிர்க்கப்பட்ட விவகாரத்தில் 6 வயது சிறுமி ஒருத்தி முக்கிய பங்கு வகித்துள்ளாள்.

விமானி ஒருவர், துபாயிலிருந்து இஸ்ரேல் நோக்கிப் புறப்பட்ட Flydubai நிறுவன விமானத்தின் கட்டுப்பாட்டைக் கைப்பற்றி, விமானத்தை தரையில் மோத முயன்ற சம்பவம் பெரும் பரபரப்பை உருவாக்கியுள்ளது.

அந்த சம்பவத்தை, அமெரிக்காவில் இரட்டைக் கோபுரங்கள் முதலான கட்டிடங்கள் மீது விமானம் மோதிய, 9/11 பேரழிவுடன் ஒப்பிடுகின்றன ஊடகங்கள்!

தவிர்க்கப்பட்ட பேரழிவு

புதன்கிழமையன்று, துபாயிலிருந்து டெல் அவிவ் நோக்கிப் புறப்பட்ட விமானம் ஒன்று, புறப்பட்டு ஒன்றரை மணி நேரம் ஆன நிலையில், திடீரென 33,000 அடி உயரத்திலிருந்து 17,000 அடிக்கு சரிந்துள்ளது.

நடந்தது என்னவென்றால், விமானத்தின் விமானியான ஸ்மித்தை (Captain Smit Machchhar), அவரது சக விமானி ஒருவர் திடீரென தாக்கத் துவங்கியுள்ளார்.

அவர் ஸ்மித்தை சரமாரியாக தாக்கியதுடன், கூர்மையான ஆயுதம் ஒன்றாலும் தாக்கியுள்ளார். முதலில் அவர் பயன்படுத்தியது ஒரு கத்தி என கூறப்பட்ட நிலையில், பின்னர், அவசர காலத்தில் கதவு முதலானவற்றை திறப்பதற்காக பயன்படுத்தப்படும் கோடரி (cockpit crash axe) என தகவல் வெளியாகியுள்ளது. 

காதலிப்பதாக ஏமாற்றி பண மோசடி செய்த நபரைத் தேடி இந்தியா வந்த வெளிநாட்டுப்பெண்

காயமடைந்த நிலையிலும், விமானிகளின் அறையின் (cockpit) கதவைத் திறந்த ஸ்மித் சத்தமிட, பயணிகள் சிலர் சென்று தாக்குதல்தாரியைக் கட்டுப்படுத்தி, அவரைக் கட்டிப்போட்டுள்ளார்கள். 

பல் மருத்துவர் ஒருவர் ஸ்மித்துக்கு முதலுதவி செய்து, இரத்தம் வழிவதைக் கட்டுப்படுத்தியுள்ளார்.

மற்றொரு நபர் விமானத்தை அவசரமாக சவுதியிலுள்ள Tabuk விமான நிலையத்தில் இறக்க உதவியுள்ளார்.

தாக்குதல்தாரி ஓமான் நாட்டவர் என்று மட்டும் தகவல் வெளியாகியுள்ளது. அவரைக் குறித்து வேறு எந்த தகவலும் இல்லை.

சவுதி அதிகாரிகள் அவரைக் கைது செய்து தங்கள் கட்டுப்பாட்டில் வைத்துள்ளார்கள். அவர் அமீரக அதிகாரிகளிடம் ஒப்படைக்கப்பட உள்ளார்.

6 வயது சிறுமியின் பங்கு

இந்நிலையில், விமானம் தரையில் மோதி ஏற்படவிருந்த பேரழிவைத் தவிர்த்ததில் 6 வயது சிறுமி ஒருத்தி, மற்றும் அவளது தாயின் பங்கு குறித்து ஒரு செய்தி வெளியாகியுள்ளது.

Nina Manes என்னும் அந்த ஆறு வயது சிறுமி, கழிவறைக்குச் சென்றிருந்த நேரத்தில்தான், விமானிகள் அறையில் குழப்பம் உருவாகியுள்ளது. 

விமானிகள் அறையின் அருகிலிருந்த கழிவறைக்கு Ninaவுடன் அவரது தாயும் சென்றிருந்த நிலையில், விமானிகள் அறையில் சண்டையிடும் சத்தம் கேட்பதையும் யாரோ அலறுவதையும் கேட்டிருக்கிறாள்.

உடனே வெளியே ஓடி வந்த Nina, தன் தாயிடம் அதைக் கூற, அப்போதுதான் விமானி ஸ்மித் கதவைத் திறந்துகொண்டு கீழே விழுந்திருக்கிறார்.  

உடனே Ninaவின் தாயான Tali உதவி கோரி சத்தமிட, விமானப் பணியாளர்களும், பயணிகளும் அவருக்கு உதவ விரைந்துள்ளார்கள்.

இதற்கிடையில், தன் மகள்கள் அலறுவதைக் கேட்ட Ninaவின் தந்தையான Tzika, உதவுவதற்காக விமானிகளின் அறைக்குள் ஓடியுள்ளார்.

ஆக மொத்தத்தில், அந்த விமானம் தரையில் மோதி ஏற்பட இருந்த பெரும் சேதத்தை தவிர்த்ததில் Ninaவின் குடும்பமும் பங்காற்றியுள்ளது.

காயம் பட்ட நிலையிலும் சமயோகிதமாக செயல்பட்ட விமானி ஸ்மித், அவருக்கு உதவிய பல் மருத்துவர், விமானத்தை தரையிறக்க உதவிய யாரோ ஒரு நபர், Ninaவின் குடும்பம் என பல ஹீரோக்கள் இணைந்து, 174 பயணிகள், 6 விமானப்பணியாளர்கள், பணியில் இல்லாத இரண்டு விமானிகள் என 180க்கும் மேற்பட்ட உயிர்களைக் காப்பாற்றிவிட்டார்கள்!