லங்காசிறி FM
ரஷ்ய சிறையில் இருந்து விடுவிக்கப்பட்ட 74 வயது அமெரிக்க குடிமகன்: புகைப்படத்தை வெளியிட்ட டிரம்ப்
74 years old American detainee Released from: Russiaரஷ்ய சிறையில் அடைக்கப்பட்டிருந்த 74 வயது அமெரிக்க குடிமகன் விடுதலை செய்யப்பட்டுள்ளார்.
அமெரிக்க குடிமகன் விடுதலை
போரில் உக்ரைன் படைகளுடன் இணைந்து போரிட்டதாக குற்றம் சாட்டப்பட்டு ரஷ்ய சிறையில் அடைக்கப்பட்ட 74 வயது அமெரிக்க குடிமகன் ஸ்டீபன் ஹப்பார்ட்(Stephen Hubbard) தற்போது விடுதலை செய்யப்பட்டுள்ளார்.
அமெரிக்க ஜனாதிபதி டொனால்ட் டிரம்பின் சிறப்பு தூதர் ஸ்டீவ் விட்காஃப் மற்றும் ரஷ்ய ஜனாதிபதி விளாடிமிர் புடின் இடையே செயின்ட் பீட்டர்ஸ்பர்க் நகரில் நடந்த முக்கிய சந்திப்பின் போது புடின் இந்த தகவலை தெரிவித்துள்ளார்.
மேலும் விடுதலை செய்யப்பட்ட ஸ்டீபன் ஹப்பார்ட் நேரடியாக செயின்ட் பீட்டர்ஸ்பர்க்கில் உள்ள புல்கோவோ சர்வதேச விமான நிலையத்திற்கு அழைத்து செல்லப்பட்டு அமெரிக்காவுக்கு அனுப்பி வைக்கப்பட்டதாக புடின் தெரிவித்துள்ளார்.
உறுதிப்படுத்திய டொனால்ட் டிரம்ப்
ஸ்டீபன் ஹப்பார்ட் விடுதலையை உறுதிப்படுத்திய டிரம்ப், அவர் தற்போது அமெரிக்காவுக்கு திரும்பி கொண்டு இருப்பதாக தெரிவித்துள்ளார்.
மேலும் இந்த விடுதலை எந்தவொரு கைதி பரிமாற்றம் இல்லாமல் மேற்கொள்ளப்பட்டு இருப்பதாக டிரம்ப் குறிப்பிட்டுள்ளார்.
ஸ்டீபன் ஹப்பார்டுக்கு ஏற்பட்டுள்ள உடல்நல குறைவு காரணமாக மருத்துவ சிகிச்சைகளுக்காக நேரடியாக டெக்சாஸ் மாகாணத்தில் தரையிறங்குவார் என எதிர்பார்க்கப்படுகிறது.
ஸ்டீபன் ஹப்பார்ட் விடுதலை செய்யப்பட்டதை அடுத்து டிரம்பின் சிறப்பு தூதர் ஸ்டீவ் விட்காஃப், ரஷ்ய ஜனாதிபதி புடினை பாராட்டியதோடு, அவர் மிகுந்த மனிதநேயமிக்கவர் என்றும் குறிப்பிட்டுள்ளார்.
திருநெல்வேலி, யாழ்ப்பாணம், Idar- Oberstein, Germany, Coventry, United Kingdom
18 Oct, 2026
பருத்தித்துறை, மன்னார், Chavakacheri, புலோலி, Lewisham, United Kingdom
03 Oct, 2026
வல்வெட்டித்துறை, Chennai, India, London, United Kingdom
20 Oct, 2016
அராலி மேற்கு வட்டுகோட்டை, வேலணை 5ம் வட்டாரம், புத்தளம், Bergisch Gladbach, Germany
21 Oct, 2025
புங்குடுதீவு 2ம் வட்டாரம், புங்குடுதீவு 12ம் வட்டாரம், Markham, Canada
17 Oct, 2024