லங்காசிறி FM
இந்திய சுற்றுலாப் பயணிகளுக்கு இலவச விசா: புதிய திட்டத்தை அறிவித்த UAE
UAE launches free visa for Indians 2026: இந்திய சுற்றுலாப் பயணிகளுக்கு இலவச விசா திட்டத்தை ஐக்கிய அரபு அமீரகம் அறிவித்துள்ளது.
அபுதாபி சுற்றுலா துறை, இந்திய சுற்றுலாப் பயணிகளுக்காக சிறப்பு திட்டத்தை அறிவித்துள்ளது.
இலவச விசா திட்டம்
2026 ஆகஸ்ட் 1 முதல் அக்டோபர் 31 வரை, அபுதாபியில் குறைந்தது மூன்று இரவுகள் தங்கும் ஹோட்டல் முன்பதிவு மற்றும் இந்தியாவிலிருந்து வருவான விமான டிக்கெட் கொண்ட பயணிகளுக்கு, இலவச UAE நுழைவு விசா வழங்கப்படும்.
அபுதாபி கலாச்சாரம் மற்றும் சுற்றுலா துறை (DCT Abu Dhabi) மூலம் இந்த திட்டம் அறிமுகப்படுத்தப்பட்டுள்ளது. ஆரம்ப கட்டத்தில் 20,000 விசாக்கள் வரை வழங்கப்படும் என அதிகாரிகள் தெரிவித்துள்ளனர்.
விசா செலவினை முழுமையாக அபுதாபி அரசு ஏற்கிறது.
தனிப்பட்ட முறையில் விண்ணப்பிக்க முடியாது
இந்திய சுற்றுலாப் பயணிகள், பங்கேற்கும் டிராவல் பார்ட்னர்கள் அல்லது ஓன்லைன் டிராவல் ஏஜென்சிகள் மூலம் முன்பதிவு செய்ய வேண்டும். தனிப்பட்ட முறையில் விண்ணப்பிக்க முடியாது.
பங்கேற்கும் டிராவல் நிறுவனங்கள், DCT-இன் நியமிக்கப்பட்ட Destination Management Company (DMC) மூலம் நேரடியாக விசா பெறலாம் அல்லது தங்களது DMC வழியாக செயல்பட்டால், ஒவ்வொரு விசாவுக்கும் 285 திர்ஹாம் வரை அபுதாபி அரசு திருப்பிச் செலுத்தும்.
அப்துல்லா யூசுப், DCT அபுதாபியின் சர்வதேச செயல்பாடுகள் இயக்குநர், “இந்தியா எங்களின் முக்கியமான சர்வதேச சந்தைகளில் ஒன்றாகும். விசா செலவினை ஏற்ற இந்திய சுற்றுலாப் பயணிகள் அபுதாபியை எளிதாகத் தேர்வு செய்ய முடியும்” என்று தெரிவித்துள்ளார்.
இந்த திட்டம், அபுதாபியின் கலாச்சாரம், பொழுதுபோக்கு, விருந்தோம்பல் மற்றும் இயற்கை அழகுகளை அனுபவிக்க இந்திய சுற்றுலாப் பயணிகளை அதிக அளவில் ஈர்க்கும் நோக்கத்துடன் அறிமுகப்படுத்தப்பட்டுள்ளது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
வேலணை 1ம் வட்டாரம், மண்கும்பான் மேற்கு, Liestal, Switzerland
10 Aug, 2025
யாழ் நெடுந்தீவு 12ம் வட்டாரம், Jaffna, நயினாதீவு, London, United Kingdom
02 Aug, 2026
புங்குடுதீவு 1ம் வட்டாரம், புங்குடுதீவு, India, Lausanne, Switzerland
09 Aug, 2025
