லங்காசிறி FM
இறப்பதற்கு முன்னர் நடிகர் ஹரி வைரவன் அனுப்பிய மெசேஜ்! அவர் குடும்பத்துக்கு விஷ்ணு விஷால் நெகிழ்ச்சி உதவி
Raju
in பொழுதுபோக்கு
மறைந்த நடிகர் ஹரி வைரவன் கடைசியாக தனக்கு அனுப்பிய வாய்ஸ் மெசேஜ் குறித்து உருக்கமாக பேசியுள்ள விஷ்ணு விஷால் அவர் குழந்தையின் கல்வி செலவை ஏற்பதாக அறிவித்துள்ளார்.
வெண்ணிலா கபடி குழு
நடிகர் விஷ்ணு விஷால் தமிழ் திரையுலகில் அறிமுகமான திரைப்படம் வெண்ணிலா கபடி குழு. இந்த படத்தில் நகைச்சுவை வேடத்தில் நடித்திருந்தவர் தான் ஹரி வைரவன். இவர் குள்ளநரி கூட்டம் படத்திலும் விஷ்ணு விஷால் உடன் சேர்ந்து நடித்திருந்தார்.
உடல்நலக்குறைவால் கடந்த சில மாதங்களாக அவதிப்பட்டு வந்த நடிகர் ஹரி வைரவன் அண்மையில் காலமானார். மதுரை மாவட்டம் ஒத்தக்கடை அருகில் உள்ள கடச்சனேந்தல் முல்லை நகர் பகுதியில் உள்ள அவரது வீட்டில் பொதுமக்களின் அஞ்சலிக்காக ஹரி வைரவன் உடல் வைக்கப்பட்டு பின்னர் தகனம் செய்யப்பட்டது.
குழந்தையின் படிப்பு செலவை ஏற்கும் விஷ்ணு விஷால்
இதையடுத்து வறுமையில் வாடும் ஹரி வைரவன் குடும்பத்தாருக்கு விஷ்ணு விஷால் உதவுவாரா என செய்தியாளர்கள் அவரிடம் கேட்டனர். அதற்கு பதிலளித்த விஷ்ணு விஷால், ஹரி வைரவன் எனக்கு ரொம்ப நெருக்கமானவர்.
கடைசி ஆறு மாதங்களாக அவருடன் தொடர்பில் தான் இருந்தேன். இது வெளியே யாருக்கும் தெரியாது. என்னால என்ன உதவி செய்ய முடியுமோ அதை கடந்த ஆறு மாதங்களாக நான் செய்தேன். அவரது மனைவியிடமும் பேசினேன்.
என்ன உதவி வேண்டுமானாலும் நான் செய்கிறேன். குழந்தையின் படிப்பு செலவையும் ஏற்றுக்கொள்கிறேன் என அவர்களிடம் சொன்னேன். வைரவன் அனுப்பிய கடைசி வாய்ஸ் மெசேஜ் கூட என்னிடம் உள்ளது.
என்ன எப்பவும் மாப்ளனு தான் கூப்பிடுவாரு. அந்த மெசேஜில் தேங்க் யூ மாப்ள, நீ எனக்கு உதவி செய்றது ரொம்ப சந்தோஷம் என சொல்லி இருந்தார் உருக்கமாக கூறியுள்ளார்.
