உயிருக்கு போராடும் கிரிக்கெட் வீரர் - ஆப்கானிஸ்தான் ரசிகர்கள் பிரார்த்தனை

Afghanistan Cricket Team

By Karthikraja Jan 17, 2026 09:02 AM GMT

Karthikraja

in மற்றவைகள்

Report

ஆப்கானிஸ்தான் கிரிக்கெட் வீரர் ஷபூர் சத்ரான் உயிருக்கு ஆபத்தான நிலையில் சிகிச்சை பெற்று வருகிறார்.

ஷபூர் சத்ரான்

ஆப்கானிஸ்தான் அணியின் இடது கை வேகப்பந்து வீச்சாளரான ஷபூர் சத்ரான்(shapoor zadran), அந்த அணிக்காக 43 ஒருநாள் போட்டிகள் மற்றும் 32 T20 போட்டிகளில் விளையாடியுள்ளார்.

shapoor zadran health issue

Credit : Getty Images

ஒருநாள் போட்டிகளில் 43 விக்கெட்டுகளையும், டி20 போட்டிகளில் 37 விக்கெட்டுகளையும் வீழ்த்தியுள்ளார்.

38 வயதான அவர் கடைசியாக 2020 ஆம் ஆண்டில் அயர்லாந்திற்கு எதிரான T20 போட்டியில் விளையாடினார்.

இந்நிலையில், உடல்நலக்குறைவால் பாதிக்கப்பட்டுள்ள ஷபூர் சத்ரான், உயிருக்கு ஆபத்தான நிலையில் உள்ளதாக தகவல் வெளியாகியுள்ளது.

வெள்ளை ரத்த அணுக்கள்

ஷபூர் சத்ரான் மருத்துவமனையில் தீவிர சிகிச்சை பெற்று வருவதாக அவரது சகோதரர் சமூகவலைத்தளமா மூலம் உறுதிப்படுத்தியுள்ளார்.

shapoor zadran health

Credit : Getty Images

ஷபூர் சத்ரானின் உடலில் உள்ள வெள்ளை ரத்த அணுக்கள் ஆபத்தான அளவிற்கு குறைந்துள்ளதால், அவரது உடல்நிலை மோசமாகியுள்ளதாக தகவல் வெளியாகியுள்ளது. என்ன நோய், எந்த நிலை என்பது குறித்த அதிகாரபூர்வ தகவல் வெளியாகவில்லை.

ஷபூர் சத்ரான் விரைவில் குணமடைந்து வர பிரார்த்திப்பதாக பாகிஸ்தான் அணியின் முன்னாள் அணித்தலைவர் ரஷீத் லத்தீப் தெரிவித்துள்ளார்.

மேலும் ஆப்கானிஸ்தான் கிரிக்கெட் வீரர்களும், ரசிகர்களும் ஷபூர் சத்ரான் உடல்நிலை தேறி வர வாழ்த்து தெரிவித்துள்ளனர்.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள்.

மேலும் மற்றவைகள் செய்திகளைப் படிக்க இங்கே அழுத்தவும்

முக்கிய செய்திகள் பிரபலமானவை

இன்றைய செய்திகள்