லங்காசிறி FM
24 மணி நேரம் இடைவிடாமல் பறந்த விமானம்., ஏர்பஸ் A350 புதிய சாதனை
ஏர்பஸ் நிறுவனம், உலகின் நீண்ட தூர வணிக விமான சேவைகளை உருவாக்கும் முயற்சியில், A350-1000ULR விமானத்தை 24 மணி நேரம் 24 நிமிடங்கள் இடைவிடாமல் பறக்கச் செய்து சாதனை படைத்துள்ளது.
அவுஸ்திரேலியாவிலிருந்து பிரான்ஸ் வரை
இந்த விமானம் அவுஸ்திரேலியாவின் மெல்போர்னிலிருந்து புறப்பட்டு, 23,075 கிலோமீட்டர் (14,338 மைல்கள்) தூரம் பறந்து, பிரான்சின் டூலூஸ் நகரில் உள்ள ஏர்பஸ் தொழிற்சாலையில் தரையிறங்கியது.
இந்த சோதனை, அவுஸ்திரேலிய விமான நிறுவனம் Qantas-இன் Project Sunrise திட்டத்தின் முக்கிய கட்டமாகும்.
இந்த திட்டம், சிட்னி-லண்டன் மற்றும் சிட்னி-நியூயார்க் இடையே 20 மணி நேரம் நீடிக்கும் நேரடி விமான சேவைகளை 2027 முதல் தொடங்க திட்டமிட்டுள்ளது.
The #A350-1000ULR is just back from its longest flight ever from Melbourne 🇦🇺 to Toulouse 🇫🇷! That’s a 12,460NM (23,075.92 km) hop 🦘 in 24 hours 24 minutes!
— Airbus (@Airbus) July 28, 2026
And for the crew, that meant flying from winter to summer, crossing 2 oceans, 3 continents, and seeing 2 sunrises + 2… pic.twitter.com/Xk3Gbfq3HL
ஏர்பஸ், கூடுதல் எரிபொருள் தொட்டியுடன் சிறப்பாக வடிவமைக்கப்பட்ட A350-1000ULR-ஐ உருவாக்கியுள்ளது. 238 பயணிகள் அமரக்கூடிய இந்த விமானம், 20,000 லீற்றர் எரிபொருளை ஏற்றிச் செல்லும் திறன் கொண்டது.
அதிகம் கண்காணிக்கப்பட்ட விமானம்
இந்த விமானப் பயணம், Flightradar24-இல் 3.6 மில்லியனுக்கும் மேற்பட்டோர் கண்காணித்ததாக தெரிவிக்கப்பட்டுள்ளது.
இது, 2024-இல் ராணி இரண்டாம் எலிசபெத்தின் உடலை எடுத்துச் சென்ற விமானத்திற்குப் பிறகு, அதிகம் கண்காணிக்கப்பட்ட இரண்டாவது விமானமாகும்.
23,075.92 km in 24 hours, 24 minutes.
— Flightradar24 (@flightradar24) July 28, 2026
We tallied up a few other facts and figures from this historic @Airbus A350-1000ULR flight. pic.twitter.com/nJnJIQwQYC
Qantas, 12 A350-1000ULR விமானங்களை ஆர்டர் செய்துள்ளது. 2027 அக்டோபர் மாதம் முதல், சிட்னி-லண்டன் இடையே தினசரி நேரடி விமான சேவைகள் தொடங்கப்படும் என எதிர்பார்க்கப்படுகிறது.
இந்த சாதனை, நீண்ட தூர விமானப் பயணங்களில் இடைநிறுத்தங்களை நீக்கி, பயணிகளுக்கு நேரத்தைச் சேமிக்கும் புதிய யுகத்தைத் தொடங்கிவைக்கிறது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
புங்குடுதீவு 1ம் வட்டாரம், புங்குடுதீவு, India, Lausanne, Switzerland
09 Aug, 2025
