ஈரான் மீது அமெரிக்கா தாக்குதல்... மத்திய கிழக்கு வான்வெளியைத் தவிர்க்கும் விமானங்கள்

ஈரானிய அணுசக்தி தளங்கள் மீது அமெரிக்கா தாக்குதல் நடத்தியதைத் தொடர்ந்து, ஞாயிற்றுக்கிழமை மத்திய கிழக்கின் பெரும்பகுதிகளுக்கு விமான நிறுவனங்கள் தொடர்ந்து விமானங்களைத் தவிர்த்தன.

விமானப் போக்குவரத்திற்கு

சமீபத்திய ஏவுகணைத் தாக்குதல்கள் காரணமாக, இப்பகுதியில் ஏற்கனவே விமானப் போக்குவரத்து நெரிசல் குறைந்துள்ளது. மேலும், ஈரான் மீது இஸ்ரேல் தாக்குதல் தொடங்கிய நாள் முதல் ஈரான், ஈராக், சிரியா மற்றும் இஸ்ரேல் வான்வெளியில் விமானங்கள் பறக்கவில்லை.

எரிபொருள் மற்றும் பணியாளர்கள் செலவுகள் அதிகமாகி, விமானப் பயண நேரம் அதிகமாகிவிட்டாலும் கூட, காஸ்பியன் கடல் வழியாக வடக்கு நோக்கி அல்லது எகிப்து மற்றும் சவுதி அரேபியா வழியாக தெற்கே செல்ல விமான சேவை நிறுவனங்கள் வேறு வழித்தடங்களைத் தெரிவு செய்துள்ளனர்.

உலகளவில் பல நாடுகளில் அதிகரித்து வரும் மோதல் போக்கால் ஏவுகணை மற்றும் ட்ரோன் தாக்குதல்கள் விமானப் போக்குவரத்திற்கு அதிக ஆபத்தை ஏற்படுத்துகின்றன.

ட்ரம்பால் பற்றியெரியப் போகும் மத்திய கிழக்கு.... ஈரானின் பதிலடிக்கு தயாராகும் அமெரிக்க இராணுவம்

ஜூன் 13 அன்று இஸ்ரேல் ஈரான் மீது தாக்குதல்களைத் தொடங்கியதிலிருந்து, பாதிக்கப்பட்ட நாடுகளில் உள்ள இடங்களுக்கான விமானங்களை விமான சேவை நிறுவனங்கள் நிறுத்திவிட்டன,

இருப்பினும் அண்டை நாடுகளிலிருந்து சில வெளியேற்றும் விமானங்களும், சில சிக்கித் தவிக்கும் இஸ்ரேலியர்களை திருப்பி அழைத்து வரும் விமானங்களும் சேவையில் ஈடுபட்டுள்ளன.

அனைத்து விமான சேவைகளும்

இஸ்ரேலின் மிகப் பெரிய விமான சேவை நிறுவனங்களான El Al Israel மற்றும் Arkia ஆகியவை மறு அறிவிப்பு வரும் வரை மக்கள் இஸ்ரேலுக்குத் திரும்ப அனுமதிக்கும் மீட்பு விமானங்களை நிறுத்தி வைப்பதாக ஞாயிற்றுக்கிழமை அறிவித்துள்ளனர்.

இதனிடையே, நாட்டின் வான்வெளி அனைத்து விமான சேவைகளுக்கும் மூடப்பட்டதாகக் கூறியதுடன், எகிப்து மற்றும் ஜோர்டானுடனான தரைவழிப் பாதைகள் திறந்தே இருக்கும் என இஸ்ரேலின் விமான நிலைய ஆணையம் தெரிவித்துள்ளது.

இந்த நிலையில், நியூசிலாந்து அரசாங்கம் மத்திய கிழக்கு நாடுகளுக்கு ஹெர்குலஸ் இராணுவ போக்குவரத்து விமானத்தை அனுப்பி நியூசிலாந்து மக்களை அப்பகுதியிலிருந்து வெளியேற்றத் தயார் நிலையில் இருப்பதாகக் கூறியது.