லங்காசிறி FM
ஒரே நாளில் திருமணம் செய்த கிரிக்கெட் வீரர்கள் ஆகாஷ் தீப், ராமகிருஷ்ணா கோஷ்
கிரிக்கெட் வீரர்கள் ஆகிய இருவரும் நேற்று தங்கள் வாழ்க்கைதுணையை திருமணம் செய்துள்ளனர்.
ஆகாஷ் தீப் திருமணம்
இந்திய கிரிக்கெட் அணியின் வேகப்பந்து வீச்சாளரான ஆகாஷ் தீப்பின் திருமணம், நேற்று வாரணாசியில் உள்ள 'தாஜ் கங்கை' ஹொட்டலில் நடைபெற்றுள்ளது.
பீகாரின் ரோத்தாஸ் மாவட்டத்தில் உள்ள பட்டி கிராமத்தைச் சேர்ந்தவர் ஆகாஷ் தீப். அதே மாவட்டத்தில் உள்ள மணிகாபூர் கிராமத்தைச் சேர்ந்த அக்ஷிதா ராஜ் என்பவரை ஆகாஷ் தீப் திருமணம் செய்துள்ளார்.
இந்த திருமணத்தில் போஜ்புரி பாடகர் பவன் சிங், ஆகாஷின் நண்பரும் கிரிக்கெட் வீரருமான முகேஷ் குமார் ஆகியோர் கலந்துகொண்டனர்.
திருமண புகைப்படங்கள் மற்றும் வீடியோக்களை பதிவிட்டுள்ள ஆகாஷ் தீப், “மிக நீண்ட மற்றும் மிக அழகான இன்னிங்ஸை நாம் ஒன்றாக விளையாடத் தயாராக இருக்கிறோம்.
இந்த புதிய அத்தியாயத்தை நாம் தொடங்கும் வேளையில், நீ என் துணையாக இருப்பதால், ஒவ்வொரு நாளும் ஒரு வெற்றியாகவே அமையும் என்று எனக்குத் தெரியும். நமது என்றென்றைக்குமான கூட்டணிக்கு வாழ்த்துக்கள்" என குறிப்பிட்டுள்ளார்.
மணப்பெண் அக்ஷிதா ராஜ், பிர்லா தொழில்நுட்பக் கழகத்தில்(PITS) தனது பி.சி.ஏ மற்றும் எம்.சி.ஏ பட்டப்படிப்புகளை முடித்துள்ளார்.
ஆகாஷ் தீப், கடந்த 2024 ஆம் ஆண்டு நடைபெற்ற இங்கிலாந்து எதிரான டெஸ்டில் விளையாடியதால் மூலம் இந்திய அணியில் இடம் பிடித்தார்.
ஐபிஎல் தொடரில், ராயல் சேலஞ்சர்ஸ் பெங்களூரு, லக்னோ சூப்பர் ஜெய்ன்ட்ஸ் , கொல்கத்தா நைட் ரைடர்ஸ் அகத்திய அணிகளுக்காக விளையாடியுள்ளார்.
ஆகாஷ் தீப்பின் கிரிக்கெட் திறமையை அங்கீகரித்த பீகார் அரசு, சமீபத்தில் அவருக்கு மதிப்புமிக்க டிஎஸ்பி பதவியை வழங்கி கௌரவித்தது.
ராமகிருஷ்ணா கோஷ் திருமணம்
இதே போல் நேற்று மகாராஷ்டிராவை சேர்ந்த வேகப்பந்துவீச்சாளரான ராமகிருஷ்ண கோஷ், தனது நீண்ட கால தோழியான கௌரி கௌரவை நேற்று திருமணம் செய்துள்ளார்.
மணப்பெண் கௌரி கௌரா பல் மருத்துவர் என கூறப்படுகிறது.
தனது மனைவியுடன் உள்ள புகைப்படங்களை பகிர்ந்து கொண்ட ராமகிருஷ்ண கோஷ், "24.06.2026 நாம் திருமணம் செய்துகொண்ட நாள், எல்லா காத்திருப்பும் முடிவுக்கு வந்த நாள்.
இன்பத்திலும் துன்பத்திலும் எனக்குத் துணையாக நின்ற அந்தச் சிறப்புமிக்க நபருக்கு, இறுதியாக, நமக்கான அனைத்தும் சரியாக அமைந்தன. ஒரு புதிய தொடக்கம்" என பதிவிட்டுள்ளார்.
ராமகிருஷ்ண கோஷ், 2025 ஐபிஎல் ஏலத்தில் சென்னை சூப்பர் கிங்ஸ் அணியால் ரூ.30 லட்சத்திற்கு வாங்கப்பட்டார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
You May Like This Video
யாழ்ப்பாணம், நெடுந்தீவு, பண்டத்தரிப்பு, Goslar, Germany, Breda, Netherlands, Montreal, Canada
29 Sep, 2026
இமையானன் கிழக்கு உடுப்பிட்டி, சுவிஸ், Switzerland, London East Ham, United Kingdom
14 Oct, 2026
Seremban, Malaysia, நெல்லியடி, மண்டபம், India, Harrow, United Kingdom
30 Oct, 2021
புங்குடுதீவு 5ம் வட்டாரம், வேலணை கிழக்கு, சுவிஸ், Switzerland
26 Oct, 2018