லங்காசிறி FM
T20 கிரிக்கெட்டில் ஆண்கள் கூட செய்யாத சாதனையை படைத்த நியூசிலாந்து வீராங்கனை
Karthikraja
in கிரிக்கெட்
T20 கிரிக்கெட்டில் யாரும் செய்யாத சாதனையை அமெலியா கெர் படைத்துள்ளார்.
அமெலியா கெர்
சாதனை நியூசிலாந்து சென்றுள்ள தென் ஆப்பிரிக்கா மகளிர் அணி, 5 T20 மற்றும் 3 ODI கொண்ட தொடரில் விளையாடி வருகிறது.
நேற்றைய போட்டியில் நியூசிலாந்து அணி 6 விக்கெட்கள் வித்தியாசத்தில் வென்றதன் மூலம் 3-1 என்ற கணக்கில் T20 தொடரை கைப்பற்றியுள்ளது.
இந்த போட்டியின் மூலம் நியூசிலாந்து அணித்தலைவி அமெலியா கெர் (Amelia Kerr) சர்வதேச T20 கிரிக்கெட்டில் யாரும் செய்யாத சாதனையை படைத்துள்ளார்.
நேற்றைய போட்டியில் 31 ஓட்டங்கள் எடுத்ததன் மூலம், தொடர்ச்சியாக அதிக போட்டிகளில் 30+ ஓட்டங்கள் எடுத்த முதல் வீராங்கனை என்ற சாதனையை படைத்துள்ளார்.
இதுவரை தொடர்ச்சியாக 10 போட்டிகளில் 30+ ஓட்டங்களை எடுத்துள்ளார் அமெலியா கெர்.
முன்னதாக இலங்கையின் சமரி அதபத்து மற்றும் ருமேனியாவின் ரெபேக்கா பிளேக் 9 போட்டிகளில் 30+ ஓட்டங்கள் எடுத்ததே அதிகபட்சமாக இருந்தது.
ஆண்கள் T20 கிரிக்கெட்டில், ரோஹித் சர்மா , முகமது ரிஸ்வான், அபிஷேக் சர்மா மற்றும் ஹிரிஸ்டோ லாகோவ் ஆகியோர் 7 போட்டிகளில் 30+ ஓட்டங்கள் எடுத்துள்ளனர்.
ஏற்கனவே இளவயதில் இரட்டை சதம் அடித்த வீராங்கனை, ODI கிரிக்கெட்டில் அதிகபட்ச ஓட்டம் குவித்த வீராங்கனை ஆகிய சாதனைகளை அமெலியா கெர் தன் வசம் வைத்துள்ளார்.
இந்த 10 இன்னிங்ஸ்களில், கெர் 554 ஓட்டங்களைக் குவித்து142 என்ற ஸ்டிரைக் ரேட்டில்உள்ளதோடு, 6.74 என்ற எகானமி ரேட்டில் 12 விக்கெட்டுகளை வீழ்த்தி ஆல் ரவுண்டராகவும் வலம் வருகிறார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
கொக்குவில் மேற்கு, மட்டக்களப்பு, கொழும்பு, நெடுங்கேணி, Harrow, United Kingdom
13 Apr, 2025
புங்குடுதீவு 11ம் வட்டாரம், புங்குடுதீவு 10ம் வட்டாரம், சுவிஸ், Switzerland, கொழும்பு
12 Mar, 2026
