லங்காசிறி FM
தென்னாப்பிரிக்காவில் அமெரிக்க பாதிரியார் கடத்தல்: தேவாலயத்திற்குள் புகுந்த ஆயுதமேந்திய கும்பல்
ஆயுதமேந்திய நபர்களால் அமெரிக்க பாதிரியார் கடத்தப்பட்ட அதிர்ச்சிகரமான சம்பவம் தென்னாப்பிரிக்காவில் நடந்துள்ளது.
கடத்தப்பட்ட அமெரிக்க பாதிரியார்
கிழக்கு கேப்பின் குபெர்ஹா நகரில் உள்ள மதர்வெல் என்ற டவுன்ஷிப்பில் உள்ள பெல்லோஷிப் பாப்டிஸ்ட் தேவாலயத்தில் ஜோஷ் சல்லிவன் (Josh Sullivan, வயது 45) என்பவர் பிரார்த்தனை கூட்டத்தை நடத்திக் கொண்டிருந்த போது ஆயுதமேந்திய மர்ம நபர்களால் கடத்தப்பட்டு இருப்பது பெரும் அதிர்ச்சியை ஏற்படுத்தியுள்ளது.
காவல் துறை செய்தித் தொடர்பாளர் கூற்றுப்படி, நான்கு முகமூடி அணிந்த ஆயுதமேந்திய நபர்கள் வியாழக்கிழமை மாலை தேவாலயத்திற்குள் நுழைந்தனர்.
முதலில் அவர்கள் இரண்டு கைபேசிகளை திருடிவிட்டு, பாதிரியார் சல்லிவன் உடன் அவரது வெள்ளி நிற டொயோட்டா ஃபார்ச்சூனர் காரில் தப்பிச் சென்றுள்ளனர்.
பின்னர் அந்த கார் கைவிடப்பட்ட நிலையில் கண்டுபிடிக்கப்பட்டது, ஆனால் பாதிரியார் எங்கே இருக்கிறார் என்று தெரியவில்லை.
அமெரிக்க வெளியுறவுத்துறை தகவல்
அமெரிக்க குடிமக்களின் பாதுகாப்புக்கு முன்னுரிமை அளிப்பதாக அமெரிக்க வெளியுறவுத்துறை தெரிவித்துள்ளது.
மேலும் இந்த கடத்தல் சம்பவம் குறித்து தங்களுக்கு தெரியும் என்றும் அவர்கள் தெரிவித்துள்ளனர்.
இந்த குற்றத்தின் தீவிரத்தை கருத்தில் கொண்டு, ஒழுங்கமைக்கப்பட்ட குற்றங்கள், வணிக குற்றங்கள் மற்றும் உயர் மட்ட ஊழல் ஆகியவற்றில் நிபுணத்துவம் பெற்ற தென்னாப்பிரிக்காவின் ஹாக்ஸ் என்ற சிறப்பு காவல்துறை பிரிவுக்கு விசாரணை மாற்றப்பட்டுள்ளது.
காவல்துறை பிரிவுக்கு விசாரணை மாற்றப்பட்டுள்ளது. "பாதிக்கப்பட்டவரை கண்டுபிடித்து குற்றவாளிகளை கைது செய்யும் முயற்சியில் அனைத்து சாத்தியமான தடயங்களையும் சட்ட அமலாக்கத்துறையினர் பின் தொடர்ந்து வருகின்றனர்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
யாழ் நாரந்தனை கிழக்கு, Jaffna, கொழும்பு, Zürich, Switzerland
25 Apr, 2026
வேலணை மேற்கு, யாழ்ப்பாணம், கொட்டடி, யாழ்ப்பாணம், Tooting, United Kingdom, Eastham, United Kingdom
24 Apr, 2024