கோட்டாபயவை கைது செய்யுங்கள்! உலகெங்கிலும் தமிழர்கள் பேரணி

Sri Lankan Tamils Tamils London Gotabaya Rajapaksa Singapore

By Ragavan Jul 19, 2022 12:27 AM GMT

Ragavan

in சர்வதேசம்

Report

தமிழர்களைக் கொன்று குவித்ததற்காகவும், நூற்றுக்கணக்கான தமிழ் பெண்கள் மற்றும் சிறுமிகளை பாலியல் பலாத்காரம் செய்ததற்காகவும் இலங்கையின் முன்னாள் ஜனாதிபதியைக் கைது செய்யக் கோரி உலகெங்கிலும் உள்ள தமிழர்கள் பல பேரணிகளை நடத்தினர்.

நியூயார்க், மலேசியா, லண்டன், ஜேர்மனி, கனடா மற்றும் பிற இடங்களில் பேரணிகள் நடத்தப்பட்டன.

இலங்கையின் முன்னாள் ஜனாதிபதி கோட்டாபய ராஜபக்சவைக் கைது செய்யக் கோரி சிங்கப்பூர் தூதரக அதிகாரிகளிடம் மெமோ ஒப்படைக்கப்பட்டது

கோத்தபாய பாதுகாப்புச் செயலாளராக இருந்த காலத்தில் ஆறு மாதங்களில் சுமார் 70,000 தமிழர்கள் கொல்லப்பட்டனர். நூற்றுக்கணக்கான தமிழ்ப் பெண்கள் மற்றும் சிறுமிகள் கற்பழிக்கப்பட்டனர், குழந்தைகள் உட்பட ஆயிரக்கணக்கான தமிழர்கள் காணாமல் போயினர்.

கோட்டாபயவை கைது செய்யுங்கள்! உலகெங்கிலும் தமிழர்கள் பேரணி | Arrest Gotabaya Tamils Around World Rally

1) மலேசியாவில், பினாங்கு துணை முதல்வர் பேராசிரியர் ராமசாமி, மலேசியாவுக்கான சிங்கப்பூர் உயர் ஆணையர் அம்ப் வேணு மேனனைச் சந்தித்து கோரிக்கையை கையளித்தார். தூதரகத்திற்கு வெளியே பேரணியும் நடைபெற்றது. பேராசிரியர் ராமசாமி செய்தியாளர்களிடம் பேசினார்.

2) நியூயார்க்கில், நாடுகடந்த தமிழீழ அரசாங்கத்தின் (Transnational Government of Tamil Eelam) பிரதமர் விசுவநாதன் ருத்ரகுமாரன் சிங்கப்பூர் தூதரக அதிகாரிகளை சந்தித்து மனு ஒன்றை கையளித்தார்.

3) லண்டனில் உள்ள சிங்கப்பூர் தூதரகத்திற்கு வெளியே பேரணி ஒன்று நடத்தப்பட்டு, தூதரக அதிகாரிகளிடம் நாடுகடந்த தமிழீழ அரசாங்கத்தின் (Transnational Government of Tamil Eelam) பிரதி அமைச்சர்களான யோகிலிங்கம் மற்றும் பார்த்திபன் ஆகியோர் கோட்டாபயவை கைது செய்யுமாறு கோரி மனு ஒன்றை ஒப்படைத்தனர்.

வீடியோவை காண: https://www.youtube.com/watch?v=AZUL74HWfxg

4) ஜேர்மனியிலும் கோட்டாபயவை கைது செய்யக் கோரி பேரணி ஒன்று நடத்தப்பட்டது.

இலங்கையின் முன்னாள் ஜனாதிபதி கோட்டாபய ராஜபக்ச பாரிய எதிர்ப்புகளுக்குப் பின்னர் தனது நாட்டை விட்டு வெளியேறி இப்போது சிங்கப்பூரில் மறைந்து வாழ்ந்துவருகிறார்.

மேலும் சர்வதேசம் செய்திகளைப் படிக்க இங்கே அழுத்தவும்

முக்கிய செய்திகள் பிரபலமானவை

இன்றைய செய்திகள்