கர்ப்பம் என தெரிந்த 17 மணி நேரத்தில் குழந்தை பெற்ற பெண் - மருத்துவ உலகின் அதிசயம்

20 வயதான இளம்பெண் ஒருவர், கர்ப்பம் என தெரிந்த 17 மணி நேரத்தில், குழந்தையை பிரசவித்துள்ளார்.

ரகசிய கர்ப்பம்

அவுஸ்திரேலியாவை சேர்ந்த 20 வயதுடைய சார்லோட் சம்மர்ஸ் (Charlotte Summers) என்ற பெண், ரகசிய கர்ப்பம் (cryptic pregnancy) என்ற அரிய நிலையை அனுபவித்தார். 

cryptic pregnancy என்பது பெண் குழந்தையை சுமந்திருப்பது மிகவும் தாமதமாக அல்லது பிரசவம் வரை கூட தெரியாது.

தனது குழந்தையை பெற்றெடுக்கும் சில மாதங்களுக்கு முன்பு, தனது ஜீன்ஸ்ன் அளவு அதிகரித்திருப்பதையும், தனது எடை சிறிது கூடியிருப்பதையும் உணர்ந்தார். 

மருத்துவமனைகள் இல்லாத நாடு எது தெரியுமா? 90 ஆண்டுகளாக பிறப்புகள் பதிவு செய்யப்படவில்லை

ஆனால், மனஅழுத்தம் அல்லது ஆரோக்கியமான உறவில் இருப்பதன் காரணமாக எடை அதிகரித்திருக்கலாம் என அவர் நினைத்துள்ளார்.

உறுதியான கர்ப்பம்

இப்படியான சூழலில், கடந்த ஜூன் 6 ஆம் திகதி குளுட்டன் உணர்திறன் குறித்த கவலைகளுடன், மருத்துவரை சந்தித்தபோது, கர்ப்ப பரிசோதனை செய்யுமாறு அவர் அறிவுறுத்தினார்.

அப்போது நடைபெற்ற பரிசோதனையில், அவர் கர்ப்பமாக இருப்பது உறுதி செய்யப்பட்டது. இது குறித்து அவர் தனது காதலரிடம் தெரிவித்த போது, அல்ட்ரா சவுண்ட் ஸ்கேன் செய்யுமாறு காதலனின் குடும்பம் தெரிவித்துள்ளது. 

அதன் முடிவில், அவர் ஏற்கனவே 38 வாரங்கள் மற்றும் 4 நாட்கள் கர்ப்பமாக இருப்பது தெரிய வந்தது. மேலும், குழந்தையைச் சுற்றி திரவம் இல்லை என்பதைக் காட்டியதோடு, அவளுக்கு பிரசவ வலியைத் தூண்ட வேண்டியிருக்கலாம் என்று கூறியது.

இதனையடுத்த சில மணி நேரங்களில், ஆரோக்கியமான ஆண் குழந்தையை பெற்றெடுத்துள்ளார். தனது கருப்பையின் முன்புறத்தில் நஞ்சுக்கொடி அமர்ந்திருந்ததால், கர்ப்பம் கவனிக்கப்படாமல் போனதாக சார்லட் நம்புகிறார்.

அறிகுறி இல்லை

ஆனால், எடை அதிகரிப்பைத் தவிர, அவரது உடலில் எந்த மாற்றத்திற்கும் எந்த அறிகுறியும் இல்லை. அவர், தொடர்ந்து கருத்தடை மாத்திரைகளைப் பயன்படுத்தியதோடு, கர்ப்ப காலத்தில் மாதவிடாய் போல் தோன்றியதையும் அனுபவித்தார். 

இனி பூகம்பம் சுனாமியை வரும்முன்னே கண்டறிய முடியும் - தீர்வு கண்டுபிடித்துள்ள நாடு

தனது கதையை பகிர்ந்து கொண்ட பிறகு, அவர் பொய் சொன்னதாக சிலர் குற்றம் சாட்டிய நிலையில், குயின்ஸ்லாந்து சுகாதார நிறுவனத்தின் 'மறைக்கப்பட்ட கர்ப்பம்' கண்டறியப்பட்ட மருத்துவமனை ஆவணங்களையும், அல்ட்ராசவுண்ட் மற்றும் பிரசவத்தை உறுதிப்படுத்தும் பதிவுகளையும் காட்டினார்.

மேலும், சீக்கிரம் தாய் ஆகிவிடுவேன் என்று எதிர்பார்க்கவில்லை. மகிழ்ச்சியாகவும், ஆரோக்கியமாகவும் இருக்கிறேன். நானும் என் காதலனும், பெற்றோராக இருப்பதை விரும்புகிறோம் என கூறினார்.