லங்காசிறி FM
பேட் கம்மின்ஸுக்கு ரூ.80 கோடி வாரி வழங்கும் அவுஸ்திரேலியா - என்ன காரணம்?
லீக் போட்டிகளுக்கு செல்வதை தடுக்க பேட் கம்மின்ஸுக்கு ரூ.80 கோடி வழங்க அவுஸ்திரேலியா முன்வந்துள்ளது.
பேட் கம்மின்ஸ்
அவுஸ்திரேலிய கிரிக்கெட் அணித்தலைவர் பேட் கம்மின்ஸ், ஐபிஎல் தொடரில் சன்ரைசர்ஸ் ஹைதராபாத் அணிக்காக விளையாடி வருகிறார். ரூ.20.8 கோடிக்கு சன்ரைசர்ஸ் ஹைதராபாத் அணி அவரை தக்க வைத்தது.
காயம் காரணமாக ஒரு சில போட்டிகளில் இடம்பெறாத பேட் கம்மின்ஸ் தற்போது மீண்டும் அணியில் இணைந்துள்ளார். 11 போட்டிகளில் விளையாடியுள்ள சன்ரைசர்ஸ் ஹைதராபாத் 14 புள்ளிகளுடன் புள்ளிப்பட்டியலில் முதலிடத்தில் உள்ளது.
முன்னதாக ஐபிஎல் அணி ஒன்று ஆண்டுக்கு 10 மில்லியன் டொலர்(இந்திய மதிப்பில் ரூ.58 கோடி) மதிப்பிலான ஒப்பந்தத்தை வழங்க முன்வந்ததாக தகவல் வெளியானது.
அவுஸ்திரேலிய அணிக்காக விளையாடுவதை விட்டுவிட்டு, அந்த நிறுவனம் சார்ந்த சர்வதேச டி20 லீக் போட்டிகளில் மட்டும் விளையாட வேண்டும் என கூறப்பட்டது.
அவுஸ்திரேலிய கிரிக்கெட்
இது போன்ற அறிவிப்புகள் காரணமாக வீரர்கள் தேசிய அணியை விட்டு வெளியேறுவதை தடுக்கும் வகையில், அவுஸ்திரேலிய கிரிக்கெட் அதிரடி முடிவு ஒன்றை எடுத்துள்ளது.
இதன்படி, பேட் கம்மின்ஸுக்கு ஆண்டுக்கு சுமார் 4 மில்லியன் அவுஸ்திரேலியா டொலர் மதிப்பிலான ஒப்பந்தத்தை 3 ஆண்டுகளுக்கு (இந்திய மதிப்பில் ரூ.82 கோடி) வழங்க அவுஸ்திரேலிய கிரிக்கெட் முன்வந்துள்ளது.
இது அவர் விளையாடும் போட்டிகளின் அடிப்படையில் இருக்காது. போட்டிகளுக்கு தனி ஊதியம் வழங்கப்படும்.
"பேட் கம்மின்ஸ், ஜோஷ் ஹேசில்வுட் மற்றும் டிராவிஸ் ஹெட் போன்ற வீரர்களுக்கு உலகளவில் பெரும் தேவை உள்ளது, எனவே அவர்களை ஆஸ்திரேலிய கிரிக்கெட்டுக்குத் தொடர்ந்து அர்ப்பணிப்பது ஒரு முக்கிய முன்னுரிமையாகும்" என அவுஸ்திரேலிய கிரிக்கெட் தலைவர் ஜேம்ஸ் ஆல்சாப் தெரிவித்துள்ளார்.
அடுத்த 12 மாத காலத்திற்குள் அவுஸ்திரேலிய அணி 21 டெஸ்ட் போட்டிகளில் விளையாட வாய்ப்புள்ளது.
வங்கதேசம், நியூசிலாந்து மற்றும் இங்கிலாந்துக்கு எதிரான உள்நாட்டுத் தொடர்கள், தென்னாப்பிரிக்கா, இந்தியா மற்றும் இங்கிலாந்துக்கு எதிரான வெளிநாட்டுப் பயணங்கள், அத்துடன் உலக டெஸ்ட் சாம்பியன்ஷிப் இறுதிப் போட்டியில் பங்கேற்பதற்கான வாய்ப்பும் அடங்கும்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
மாத்தளை, கிளிநொச்சி, புங்குடுதீவு 3ம் வட்டாரம், புங்குடுதீவு குறிகட்டுவான், Villeneuve-Saint-Georges, France
22 May, 2026
யாழ் நாரந்தனை கிழக்கு, Jaffna, கொழும்பு, Zürich, Switzerland
25 Apr, 2026
புங்குடுதீவு 9ம் வட்டாரம், கிளிநொச்சி, டென்மார்க், Denmark, London, United Kingdom
01 Jun, 2015