லங்காசிறி FM
ஓய்வை அறிவித்த அவுஸ்திரேலிய டி20 கேப்டன் ஆரோன் பின்ச்
Ragavan
in கிரிக்கெட்
அவுஸ்திரேலிய டி20 கேப்டன் ஆரோன் பின்ச் (Aaron Finch) சர்வதேச கிரிக்கெட்டில் இருந்து ஓய்வு பெறுவதாக அறிவித்துள்ளார்.
ஆரோன் ஃபின்ச் ஓய்வு
அவுஸ்திரேலியாவின் டி20 கேப்டன் ஆரோன் ஃபின்ச், டி20 போட்டிகளில் இருந்து ஓய்வு பெறுவதாக அறிவித்துள்ளார், இதன் மூலம் அவருக்கு அவுஸ்திரேலியாவுக்கான 12 ஆண்டுகால சர்வதேச கிரிக்கெட் வாழ்க்கை முடிவுக்கு வந்துள்ளது.
தொடக்க ஆட்டக்காரரான பின்ச் கடந்த ஆண்டு செப்டம்பரில் 50 ஓவர் வடிவமான ஒரு நாள் சர்வதேச கிரிக்கெட்டிலிருந்து ஓய்வு பெறுவதாக அறிவித்தார். ஃபின்ச் அவுஸ்திரேலியாவுக்காக 5 டெஸ்ட் போட்டிகளிலும் விளையாடியுள்ளார்.
Getty Images
நான் விளையாட மாட்டேன்
செய்தியாளர்களிடம் பேசிய பின்ச், "2024-ஆம் ஆண்டு நடைபெறவுள்ள அடுத்த டி20 உலகக் கோப்பை வரை நான் விளையாட மாட்டேன் என்பதை உணர்ந்து, பதவி விலகுவதற்கான சரியான தருணம் இது" என கூறினார்.
2024 ஐசிசி டி20 உலகக் கோப்பைக்கு (2024 ICC Men's T20 World Cup) புதிய கேப்டனும் தொடக்க ஆட்டக்காரரும் போதுமான நேரத்தை வழங்குவது முக்கியம் என்று கூறினார்.
டி20 உலகக் கோப்பை போட்டி 2024 ஜூன் மாதம் மேற்கிந்திய தீவுகள் மற்றும் அமெரிக்காவில் நடைபெற உள்ளது.
Sky Sports
அனைவருக்கும் நன்றி
தான் விரும்பும் விளையாட்டை உயர்ந்த மட்டத்தில் விளையாட அனுமதித்த அவரது குடும்பத்தினர், சக வீரர்கள், கிரிக்கெட் விக்டோரியா, கிரிக்கெட் அவுஸ்திரேலியா மற்றும் அவுஸ்திரேலிய கிரிக்கெட் வீரர்கள் சங்கம் அனைவருக்கும் அவர் நன்றி தெரிவித்தார். மேலும், தனது சர்வதேச வாழ்க்கை முழுவதும் தனக்கு ஆதரவாக இருந்த அனைத்து ரசிகர்களுக்கும் நன்றி தெரிவித்தார்.
2011-ல் இங்கிலாந்துக்கு எதிரான டி20 போட்டியில் சர்வதேச கிரிக்கெட்டில் அறிமுகமானார் ஃபின்ச். 2013-ல் இலங்கைக்கு எதிரான ஒருநாள் போட்டியில் அறிமுகமானார்.
2018-ல் பாகிஸ்தானுக்கு எதிராக ஃபின்ச் தனது டெஸ்டில் அறிமுகமானார். வழக்கமான கேப்டன் ஸ்டீவ் ஸ்மித் மற்றும் துணை கேப்டன் வார்னர் இல்லாத நிலையில், ஃபின்ச் தலைமைக் குழுவின் நிரந்தர அங்கமானார்.
Getty Images
அதிக ஓட்டங்கள் எடுத்தவர்
அவுஸ்திரேலியாவுக்காக 103 போட்டிகளுக்குப் பிறகு டி20ஐ கிரிக்கெட்டிலிருந்து பின்ச் ஓய்வு பெறுகிறார், அதில் 76 போட்டிகளில் தனது அணியை வழிநடத்தியுள்ளார்.
34.28 சராசரி மற்றும் 142.5 ஸ்டிரைக் ரேட்டில் 3120 ஓட்டங்களை எடுத்த பின்ச், டி20ஐ கிரிக்கெட்டில் அவுஸ்திரேலியாவின் அதிக ஓட்டங்கள் எடுத்தவராக ஓய்வு பெறுகிறார்.
அவர் 2018-ல் ஜிம்பாப்வேக்கு எதிராக வெறும் 76 பந்துகளில் 172 ஓட்டங்கள் எடுத்து, அவர் அதிக டி20 ஸ்கோர் என்ற சாதனையை படைத்தது குறிப்பிடத்தக்கது.
நல்லூர் கந்தசுவாமி கோவில் 11 ஆம் நாள் மாலை திருவிழா
புங்குடுதீவு 4ம் வட்டாரம், புங்குடுதீவு 1ம் வட்டாரம், Drancy, France
08 Aug, 2023
யாழ்ப்பாணம், கொக்குவில், Wellawatte, Pinner, United Kingdom
04 Aug, 2025
கொழும்பு, வவுனியா, யாழ்ப்பாணம், வண்ணார்பண்ணை, ஊரெழு, Bad Nauheim, Germany, Tolworth, United Kingdom
02 Aug, 2025
