லங்காசிறி FM
இக்கட்டான சூழ்நிலையில் அவுஸ்திரேலியா., பிரதமர் ஸ்காட் மோரிசன் அதிரடி முடிவு!
Ragavan
in ஆஸ்திரேலியா
அவுஸ்திரேலியாவிற்கு வரும் சர்வதேச மாணவர்கள் மற்றும் சுற்றுலா பயணிகளுக்கான விசா கட்டணத்தை அரசாங்கம் தள்ளுபடி செய்யும் என்று பிரதமர் ஸ்காட் மோரிசன் அறிவித்துள்ளார்.
அவுஸ்திரேலியாவில் கோவிட்-19 தொற்றுநோயால் ஏற்பட்ட அதிக எண்ணிக்கையிலான வேலை காலியிடங்களை நிரப்பும் முயற்சியில், அவுஸ்திரேலியாவிற்கு வர விரும்பும் மாணவர்கள் மற்றும் சுற்றுலாவாசிகளுக்கு அரசாங்கம் விசா தள்ளுபடியை வழங்கவுள்ளது
. அதாவது, வெளிநாட்டிலிருந்து ஒரு மாணவர் அல்லது வேலை விடுமுறை விசாவில் அவுஸ்திரேலியாவிற்கு வரும் பார்வையாளர்கள் தங்கள் விண்ணப்பக் கட்டணத்தில் தள்ளுபடி பெறுவார்கள் என்று பிரதமர் ஸ்காட் மோரிசன் கூறியுள்ளார்.
புதிய வருகைகள் அவுஸ்திரேலியாவின் "முக்கியமான தொழிலாளர் பற்றாக்குறையை", குறிப்பாக விருந்தோம்பல் மற்றும் விவசாய துறையில் உள்ள காலி பணியிடங்களை நிரப்ப உதவும் என்று தான் நம்புவதாக மோரிசன் கூறினார்.
"அவர்களுக்கு எனது செய்திCome on down. Come on down now" என்று புதன்கிழமை கான்பெராவில் நடந்த செய்தியாளர் கூட்டத்தில் மோரிசன் கூறினார்.
Omicron Covid-19 மாறுபாட்டின் பரவலான வெடிப்பைத் தொடர்ந்து அவுஸ்திரேலியாவின் பொருளாதாரம் சமீபத்திய மாதங்களில் அதிக அழுத்தத்திற்கு உட்பட்டுள்ளது.
கொரோனா வைரஸால் பாதிக்கப்படுவதன் விளைவாக தொழிலாளர்கள் தனிமைப்படுத்தப்படடிருப்பதால், நாடு முழுவதும் விநியோக பற்றாக்குறை அதிகரித்துள்ளது. இதனால் சில பல்பொருள் அங்காடி அலமாரிகள் காலியாக உள்ளன. பல உணவு மற்றும் தளவாட நிறுவனங்கள் எல்லா நாளும் தங்கள் ஊழியர்களில் 10% முதல் 50% வரை வேலையில் இருந்து விலகியிருப்பதாக அறிவித்துள்ளனர்.
இப்போது அறிவித்துள்ள இந்த தள்ளுபடி எப்படி இருக்கும் என்று மோரிசன் குறிப்பிடவில்லை, இருப்பினும் மாணவர்களுக்கு இது அடுத்த எட்டு வாரங்களுக்கு பொருந்தும் என்றும், வேலை விடுமுறை விசா வைத்திருப்பவர்களுக்கு பன்னிரெண்டு வாரங்களுக்கு பொருந்தும் என்றும் அவர் கூறினார்.
இந்த கொள்கைக்கு 55 மில்லியன் அவுஸ்த்ரேலியா டொலர் (39.5 மில்லியன்அமெரிக்க டொலர்) செலவாகும் என மதிப்பிடப்பட்டுள்ளது, மேலும் 175,000 பேர் விண்ணப்பிப்பார்கள் என அரசாங்கம் நம்புவதாக பொருளாளர் ஜோஷ் ஃப்ரைடன்பெர்க் கூறினார்.
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
