லங்காசிறி FM
படுக்கை, கழிவறையுடன் B-2 குண்டுவீச்சு விமானம் மிக ஆபத்தான ஒரு பறக்கும் ஹொட்டல்
ஈரான் அணுசக்தி நிலையங்கள் மீது குண்டுவீச்சில் ஈடுபட்ட B-2 விமானம் தொடர்பில் வெளிவரும் தகவல்கள் வியக்கவைத்துள்ளது.
பறக்கும் ஹொட்டல்
அமெரிக்க விமானப்படையின் B-2 குண்டுவீச்சு விமானமானது மிசோரியில் உள்ள வைட்மேன் விமானப்படை தளத்திலிருந்து புறப்பட்டு, நடுவானில் பலமுறை எரிபொருள் நிரப்பி, தொடர்ந்து பறந்து, தொழில்நுட்ப கண்களுக்கு புலப்படாமல் இலக்குகளைத் தாக்கியுள்ளது.
ஆபரேஷன் Midnight Hammer என அழைக்கப்பட்ட அந்த தாக்குதலானது மிகப்பெரியது என அடையாளப்படுத்துகின்றனர். சுமார் 37 மணி நேரம் தொடர்ச்சியாக பறந்துள்ள அந்த விமானமானது ஆபத்தான குண்டுகளுடன் கூடிய பறக்கும் ஹொட்டல் போன்றது என்றே கூறுகின்றனர்.
B-2 ஸ்பிரிட் ஐந்தாம் தலைமுறை ஸ்டெல்த் குண்டுவீச்சு விமானமாகும், இது முதன்முதலில் 1989ல் அறிமுகம் செய்யப்பட்டு 1999 ல் கொசோவோ போரின் போது முதல் முறையாக அமெரிக்க விமானப்படையால் பயன்படுத்தப்பட்டது.
B-2 ஸ்பிரிட் விமானத்தில் உணவருந்தும் அறை, ஓய்வறை மற்றும் கழிவறையும் பொருத்தப்பட்டுள்ளது. பொதுவாக B-2 ஸ்பிரிட் விமானத்தில் இரண்டு விமானிகள் செயல்படுகின்றனர். ஆபரேஷன் Midnight Hammer நடவடிக்கையின் போதும், 37 மணி நேரம் செயல்பட்டுள்ள இரு விமானிகளும், உணவருந்தி, ஓய்வெடுத்து தங்களின் இலக்கை சத்தமின்றி தாக்கிவிட்டு மாயமாகியுள்ளனர்.
14 GBU-57 குண்டுகள்
கடந்த 2001, செப்டம்பர் 11 தாக்குதலுக்குப் பிறகு ஆப்கானிஸ்தானுக்கு பறந்த B-2 ஸ்பிரிட் விமானம் தொடர்ச்சியாக 44 மணி நேரம் பயணப்பட்டுள்ளது. ஈரானுக்கு எதிரான தாக்குதலில் ஏழு B-2 ஸ்பிரிட் விமானம் பயன்படுத்தப்பட்டுள்ளது.
ஈரான் உள்ளூர் நேரப்படி நள்ளிரவு 2.10 மணியளவில் GBU-57 எனப்படும் இரண்டு குண்டுகளை ஈரான் அணுசக்தி நிலையங்கள் மீது வீசியது. மொத்தம் 14 GBU-57 குண்டுகள் வீசப்பட்டதாக தெரிவிக்கப்பட்டுள்ளது.
கிழக்கு நேரப்படி மாலை 6.40 மணி முதல் 7.05 மணி வரை ஈரானின் மூன்று அணுசக்தி உள்கட்டமைப்பு இலக்குகளும் தாக்கப்பட்டன. GBU-57 குண்டுகள் போரில் பயன்படுத்தப்பட்டது இதுவே முதல் முறை, மட்டுமின்றி, GBU-57 குண்டுகள் B-2 ஸ்பிரிட் விமானத்தில் மட்டுமே பொருத்த முடியும்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
யாழ் தும்பளை மேற்கு, Jaffna, புலோலி வடக்கு, London, United Kingdom
16 Jun, 2025
குரும்பசிட்டி, Frankfurt Am Main, Germany, Paris, France, London, United Kingdom
20 Jun, 2025
அரியாலை, கொழும்பு, Georgetown, Guyana, Edgware, United Kingdom
17 Jun, 2025
கொழும்பு, பருத்தித்துறை, Mengede, Germany, Dortmund, Germany, Wuppertal, Germany
17 Jun, 2025
யாழ் மாதகல் வடக்கு, Jaffna, கொக்குவில் மேற்கு, Scarborough, Canada
22 Jun, 2025
உடுப்பிட்டி, London, United Kingdom, Doncaster, United Kingdom
28 Jun, 2022
ஏழாலை, அளவெட்டி, Toronto, Canada, London, United Kingdom
04 Jul, 2024
