ஆண்டு பிறந்து ஒன்றரை மாதத்தில் நிறைவேறிய பாபா வங்காவின் சில்லிட வைக்கும் இரண்டு கணிப்புகள்

2024ல் உலகப் பொருளாதாரத்தை பாதிக்கும் ஒரு பெரிய பொருளாதார நெருக்கடி உருவாகும் என்றும் புற்றுநோய்க்கு நிரந்தர தீர்வு ஏற்படும் என்றும் பாபா வங்கா கணித்துள்ளது நிறைவேறி வருவதாக நிபுணர்கள் தெரிவித்துள்ளனர்.

புற்றுநோய் தடுப்பூசி

கண்பார்வை இழந்த, பல்கேரியா நாட்டவரான பாபா வங்கா எதிர்காலம் தொடர்பில் பல்வேறு கணிப்புகளை வெளியிட்டுள்ளார். அமெரிக்கா இரட்டை கோபுரத் தாக்குதல், இளவரசி டயானாவின் கோர விபத்து, ரஷ்ய அணு உலை பேரழிவு உட்பட,

@ap

ஐரோப்பிய ஒன்றியத்தில் இருந்து பிரித்தானியா வெளியேறும் என்றும் அவர் கணித்துள்ளது நிறைவேறியிருந்தது. ஆனால் தற்போது 2024 தொடர்பில் அவர் கணித்திருந்த புற்றுநோய் தடுப்பூசி மற்றும் முதன்மையான இரு நாடுகளின் பொருளாதார நெருக்கடி குறித்தும் அவர் கணித்துள்ளது நிறைவேறியுள்ளதாக ஆய்வாளர்கள் தெரிவிக்கின்றனர்.

சமீபத்தில் தான், உலகில் எவரும் எதிர்பார்க்காத தகவல் ஒன்றை ரஷ்ய ஜனாதிபதி விளாடிமிர் புடின் வெளிப்படுத்தியிருந்தார். அதாவது புற்றுநோய் தடுப்பூசி ஒன்றை ரஷ்யா உருவாக்கியுள்ளதாகவும், அது இறுதி கட்டத்தில் இருப்பதாகவும் புடின் வெளிப்படுத்தியிருந்தார்.

மிக விரைவில் நோயாளிகளுக்கு கிடைக்கும் வகையில் நடவடிக்கை முன்னெடுக்கப்பட்டு வருவதாகவும் அவர் குறிப்பிட்டிருந்தார். இருப்பினும், எந்த வகையான புற்றுநோய்க்கு அந்த தடுப்பூசி பயனளிக்கும் என்பது தொடர்பில் தகவலேதும் வெளியாகவில்லை.

பாபா வங்காவின் இன்னொரு கணிப்பு, 2024ல் உலகப் பொருளாதாரத்தை பாதிக்கும் ஒரு பெரிய பொருளாதார நெருக்கடி உருவாகும் என்பதாகும். அதை உறுதி செய்யும் வகையில், பிரித்தானியா பொருளாதார சிக்கலை எதிர்கொள்வதாக தகவல் வெளியாகியுள்ளது.

இரு நாடுகளின் பொருளாதார நெருக்கடி

அதாவது 2023 ஆம் ஆண்டின் நான்காவது காலாண்டில் மொத்த உள்நாட்டு உற்பத்தி 0.3 சதவிகிதம் சரிவடைந்துள்ளது. இரண்டு தொடர்ச்சியான காலாண்டுகளில் மொத்த உள்நாட்டு உற்பத்தி கடும் சரிவை எதிர்கொண்டால் அது பொருளாதார நெருக்கடி என்று புரிந்துகொள்ளலாம்.

@reuters

இதே நெருக்கடியை தற்போது ஜப்பானும் எதிர்கொண்டுள்ளது. 2023 ஆம் ஆண்டின் கடைசி மூன்று மாதங்களில் ஜப்பானின் மொத்த உள்நாட்டு உற்பத்தி 0.4 சதவிகிதம் குறைந்துள்ளது.

மட்டுமின்றி, ஜப்பான் கடந்த ஆண்டு ஜேர்மனியை விட பொருளாதாரத்தில் சரிவை எதிர்கொண்டு உலகின் மிகப்பெரிய பொருளாதார நாடுகள் பட்டியலில் நான்காவது இடத்திற்கு சென்றது.

2023ல் ஜப்பானின் மொத்த உள்நாட்டு உற்பத்தி டொலர் மதிப்பில் 4.2 டிரில்லியன் அமெரிக்க டொலராகும் ஆகும். இதே வேளை ஜேர்மனி 4.5 டிரில்லியன் அமெரிக்க டொலர் என அறிவித்துள்ளது.

30 வயதில் வேலையை விட்டுவிட்டு... பல கோடிகள் வருவாய் ஈட்டும் நிறுவனத்தை உருவாக்கி சாதித்த பெண்

பொருளாதார நெருக்கடி மட்டுமின்றி, ஐரோப்பாவில் தீவிரவாத தாக்குதல் சம்பவங்கள் அதிகரிக்கும் என்றும் பாபா வங்கா கணித்துள்ளார். இந்த ஆண்டில் இயற்கை பேரிடர் தொடர்பிலும் பாபா வங்கா கணித்துள்ளார் என்பது குறிப்பிடத்தக்கது.