லங்காசிறி FM
உலகின் முடிவு எப்போது? கதிகலங்கவைக்கும் எதிர்காலம் குறித்த பாபா வங்காவின் கணிப்புகள்
1996ஆம் ஆண்டே இறந்துவிட்டாலும், இரட்டைக் கோபுர தாக்குதல், சுனாமி, ரஷ்ய அதிபர் புடின் மீதான தாக்குதல், அமெரிக்க அதிபரின் கேட்கும் திறன் இழப்பு உட்பட ஏராளமான விடயங்களை கணித்திருந்தார் பாபா வங்கா.
அவர் கணித்த விடயங்களில் பல பலிக்கத் துவங்கியதால் உலகின் கவனம் ஈர்த்தார் பாபா வங்கா.
யார் இந்த பாபா வங்கா?
பாபா வங்காவின் இயற்பெயர் Vangeliya Pandeva Gushterova என்பதாகும். பல்கேரியா நாட்டில் 1911ஆம் ஆண்டு, ஜனவரி மாதம் 31ஆம் திகதி பல்கேரியாவில் பிறந்தவர் பாபா.
பால்கன் நாடுகளின் நாஸ்ட்ரடாமஸ் என அழைக்கப்படும் பாபா, எதிர்காலம் குறித்து கணித்துள்ள விடயங்களை உற்று கவனிப்போர் பலர் இன்றும் இருக்கிறார்கள்.
எதிர்காலம் குறித்த பாபா வங்காவின் கணிப்புகள்
2025 முடிவின் ஆரம்பம்
உலகத்தின் முடிவை ஏற்படுத்தும் பல நிகழ்வுகள் 2025ஆம் ஆண்டில் துவங்கும் என்று கூறியுள்ளார் பாபா.
தொடர்ச்சியான பேரழிவுகள் மற்றும் மோதல்கள் மனித வரலாற்றையே மாற்றிவிடும் என பாபா கூறுவதாக கருதப்படுகிறது.
5079வரை தப்பிப்பிழைக்கும் மனித இனம்
உலகின் முடிவு 2025இல் துவங்கினாலும், மனித இனம் 5079 வரை முற்றிலுமாக அழியாது என்கிறார் பாபா.
அதாவது பிரச்சினைகளும் சவால்களும் எழுந்தாலும், சில மனித நாகரீகங்கள் பல நூற்றாண்டுகளுக்கு நீடிக்கும் என்பது அவர் கூறியதின் கருத்து என கருதப்படுகிறது.
ஐரோப்பாவில் பெரிய போர்
2043ஆம் ஆண்டு வாக்கில், ஐரோப்பாவில் ஒரு பெரிய போர் உருவாகும் என பாபா கணித்துள்ளதால், ஐரோப்பிய நாடுகளில் பல்வேறு குழப்பங்களும் கருத்துவேறுபாடுகளும் பெரிய போருக்கு வழிவகுக்கலாம் என கருதப்படுகிறது.
ஐரோப்பா முழுவதும் இஸ்லாமிய ஆட்சி
2043ஆம் ஆண்டு வாக்கில், ஐரோப்பா முழுவதும் இஸ்லாமிய ஆட்சியின் கீழ் வந்துவிடும் என கணித்துள்ளார் பாபா.
2076இல் கம்யூனிச ஆட்சி
2076ஆம் ஆண்டுவாக்கில், உலகில் மீண்டும் கம்யூனிச ஆட்சி உருவாகும் என கணித்துள்ளார் பாபா.
உலகின் முடிவு
இறுதியாக, 5079ஆம் ஆண்டில், இயற்கைப் பேரழிவு ஒன்றின் காரணமாக உலகம் அழிந்துவிடும் என கணித்துள்ளார் பாபா.
அந்த அழிவு மனிதனால் உருவாக்கப்படும் ஒன்றாக இருக்காது, அது இயற்கை நிகழ்வொன்றால் ஏற்படும் என்றும், மனித இனமே அழிந்துபோகும் என்றும் கணித்துள்ளார் பாபா!
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
புங்குடுதீவு 10ம் வட்டாரம், Toronto, Canada, பேர்ண், Switzerland
06 Nov, 2023
