லங்காசிறி FM
அடுத்த 12 மாதங்களில் என்னென்ன நடக்கும்? பாபா வங்காவின் கணிப்புகள்
பால்கன் நாடுகளின் நாஸ்ட்ரடாமஸ் என அழைக்கப்படுபவர் பாபா வங்கா. பல்கேரியா நாட்டவரான இவரது நிஜப் பெயர் Vangelia Pandeva Gushterova. இளவரசி டயானாவின் மரணம், Kursk என்னும் ரஷ்ய நீர்மூழ்கி மூழ்கி விபத்து, 9/11 தீவிரவாத தாக்குதல்கள், கோவிட் என பல விடயங்களை துல்லியமாக கணித்தவர் பாபா.
2024இலும், உலகத்தலைவர்கள் சிலர் கொல்லப்படுவது, உயிரி ஆயுதங்கள் கொண்டு தாக்குதல் என சில பயங்கர விடயங்களை கணித்துள்ளார் பாபா.
2024ஆம் ஆண்டுக்கான கணிப்புகள்
2024ஆம் ஆண்டில், ஐரோப்பாவில் தீவிரத்தக்குதல்கள் நடக்கும் என கணித்துள்ள பாபா, பெரிய நாடு ஒன்று உயிரி ஆயுதங்களைக் கொண்டு தாக்குதல் நடத்தும் என கணித்துள்ளார்.
2024இல் பெரிய பொருளாதார நெருக்கடி ஏற்படும் என கணித்துள்ள பாபா, அதிகரிக்கும் கடன் மற்றும் புவிசார் பதற்றங்களால் உலகப் பொருளாதாரத்தில் பெரும் குழப்பம் உருவாகும் என்றும் கணித்துள்ளார்.
ஆண்டு முழுவதும் மோசமடையும் பருவநிலை, பயங்கர இயற்கை பேரழிவுகள், சைபர் தாக்குதல்கள், மின் உற்பத்தி நிலையங்கள், நீர் சுத்திகரிப்பு அமைப்புகள் மீது தாக்குதல்கள் முதலான விடயங்களும் பாபாவின் 2024ஆம் ஆண்டுக்கான கணிப்புகளில் அடங்கும்.
ஏற்கனவே, ரஷ்ய ஜனாதிபதி புடின் அவரது நாட்டவர் ஒருவராலேயே கொல்லப்படுவார் என்பதைக் குறித்து பல முறை செய்திகள் வெளியாகிவிட்டன. உக்ரைன் போர் தொடரும் நிலையில் புடினுக்கு அப்படி ஏதாவது நடக்குமானால், உலகில் பல குழப்பங்கள் உருவாகக்கூடும்.
பாபா 2024 குறித்து கணித்துள்ள விடயங்களில் நல்ல விடயங்கள் என்று பார்த்தால், அல்ஸீமர், புற்றுநோய் போன்ற நோய்களுக்கு 2024இல் புதிய சிகிச்சை முறைகள் கண்டுபிடிக்கப்படும் என்று அவர் கூறியுள்ளதும், குவாண்டம் கம்ப்யூட்டிங் துறையில் குறிப்பிடத்தக்க அளவில் முன்னேற்றம் ஏற்படும் என்பதும்தான்.
மேலும், 2028இல் உலகத்தில் பசி என்பது முடிவுக்கு வந்துவிடும் என்றும், 2076இல் கம்யூனிஸம் மீண்டும் திரும்பும் என்றும் 2304இல் மனிதர்கள் டைம் ட்ராவல் என்னும் விடயத்தை கண்டறிந்துவிடுவார்கள் என்றும் கணித்துள்ளார் பாபா.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
சுதுமலை, மருதனாமடம், வவுனியா, கொழும்பு, Coventry, United Kingdom
22 Jan, 2025
நெடுந்தீவு மேற்கு, வன்னேரிக்குளம், Moissy-Cramayel, France
16 Jan, 2025
நயினாதீவு, நெதர்லாந்து, Netherlands, பிரித்தானியா, United Kingdom
25 Jan, 2021
மானிப்பாய், திருநெல்வேலி, பிரான்ஸ், France, London, United Kingdom
23 Jan, 2020
சுழிபுரம் மேற்கு, London, United Kingdom, South Wales, United Kingdom
19 Jan, 2025
