போல் வால்ட் விளையாட்டில் இந்தியாவிற்கு முதல் பதக்கம் - சாதித்த தமிழ்நாட்டின் பரணிகா

tamilnadu baranica elangovan wins bronze at pole vault at asian games: ஆசிய விளையாட்டுப் போட்டியில், தமிழ்நாட்டின் பரணிகா இளங்கோவன் போல் வால்ட் விளையாட்டில் இந்தியாவிற்கு முதல் பதக்கத்தை வென்று கொடுத்துள்ளார்.

போல் வால்ட் விளையாட்டில் இந்தியாவிற்கு முதல் பதக்கம்

ஜப்பானில் நடைபெற்று வரும் 2026 ஆசிய விளையாட்டுப் போட்டியில், பெண்களுக்கான Pole Vault (கம்பூன்றித் தாண்டும்) பிரிவில் ஆசிய போட்டிகளில் வரலாற்றில் முதல்முறையாக இந்தியா பதக்கம் வென்றுள்ளது. 

தமிழ்நாட்டை சேர்ந்த பரணிகா இளங்கோவன், இறுதிப் போட்டியில் 4.15 மீட்டர் தாண்டி வெண்கலப் பதக்கத்தை வென்றுள்ளார்.

அவருடன் கஜகஸ்தானின் போலினா இவனோவாவும் 4.15 மீட்டர் என்ற சிறந்த உயரத்தை தாண்டி, வெண்கலப் பதக்கத்தை வென்றார். 

பயத்தால் ஆண் வேடமிட்டு பயிற்சி - வெள்ளிப்பதக்கம் வென்ற ஆப்கானிஸ்தான் வீராங்கனை

ஜப்பானின் மிசாக்கி மொரோட்டா 4.55 மீட்டர் தூரத்துடன் தங்கப் பதக்கத்தையும், சீனாவின் சுங்கே நியூ 4.50 மீட்டர் தூரத்துடன் வெள்ளிப் பதக்கத்தையும் வென்றனர்.

பரணிகா இளங்கோவன்

29 வயதான பரணிகா இளங்கோவன், மயிலாடுதுறை மாவட்டத்தில் உள்ள குத்தாலம் பகுதியை சேர்ந்தவர் ஆவார். அவரது தந்தை இளங்கோவன் ஒரு விவசாயி ஆவார்.

ஆரம்பத்தில், நீளம் தாண்டுதல் மற்றும் ஓட்டப்பந்தயங்களில் பங்கேற்ற அவர், விளையாட்டில் சாதிக்க வேண்டும் என்ற ஆர்வத்தில் சென்னைக்கு சென்ற அவர், எத்திராஜ் கல்லூரியில் பட்டப்படிப்பு படித்துக்கொண்டிருந்தபோதே கம்பூன்றித் தாண்டும் போட்டிக்கு மாறினார். 

கல்லூரியை முடித்தபோது, ​​2.60 மீட்டர் உயரம் தாண்டி கல்லூரிகளுக்கு இடையேயான போட்டியில் ஒரு பதக்கத்தை வென்றிருந்தார்.

2019 ஆம் ஆண்டில், போட்டியின் போது அவருக்கு ஏற்பட்ட காயத்தால் இடது காலுக்கு அறுவை சிகிச்சை செய்ய வேண்டிய நிலை ஏற்பட்டது.

ஒரு வருடத்தில் காயத்திலிருந்து முழுமையாக மீண்ட அவர், 2021 ஆம் ஆண்டில் மாநிலங்களுக்கு இடையேயான போட்டியில் 3.90 மீட்டர் உயரம் தாண்டி தங்கப் பதக்கம் வென்றார்.

அதன் பின்னர், மார்ச் 15 அன்று, பெங்களூருவில் நடைபெற்ற இந்திய திறந்தநிலை தாண்டுதல் போட்டியில், பரானிகா 4.10 மீட்டர் உயரம் தாண்டி தங்கப் பதக்கம் வென்றதோடு, 2026 ஆசிய விளையாட்டுப் போட்டிகளுக்கான இந்திய தடகள கூட்டமைப்பின் தகுதி அளவுகோலையும் கடந்தார்.

அடுத்த 9 நாட்களில், புவனேஸ்வரில் நடைபெற்ற முதல் தேசிய உள்ளரங்க தடகள சாம்பியன்ஷிப் போட்டியில் , பெண்களுக்கான கம்பூன்றித் தாண்டும் போட்டியின் இறுதிச் சுற்றில், 4.22 மீட்டர் உயரம் தாண்டி தேசிய சாதனையை முறியடித்தார்.

அதைத்தொடர்ந்து கடந்த மே மாதத்தில், புவனேஸ்வரில் உள்ள கலிங்கா மைதானத்தில் நடைபெற்ற முதல் இந்திய உள்ளரங்க திறந்தநிலை ஒருங்கிணைந்த போட்டிகள் மற்றும் கோல் தாண்டுதல் போட்டியில், 4.23 மீட்டர் உயரம் தாண்டி தனது முந்தைய தேசிய சாதனையை முறியடித்தார்.