லங்காசிறி FM
ஒலிம்பிக் பந்தயத்தில் இருந்து பெர்லின் நகரம்: அடுத்தக்கட்ட போட்டி யாருக்கு?
Berlin Drops Out From Olympic Bid Race: ஒலிம்பிக் போட்டிகளை நடத்தும் பந்தயத்தில் இருந்து பெர்லின் நகரம் விலகியுள்ளது.
விலகிய பெர்லின் நகரம்
2036 முதல் 2044 வரை நடைபெற உள்ள கோடைக்கால ஒலிம்பிக் மற்றும் பாரா ஒலிம்பிக்ஸ் போட்டிகளை நடத்தும் ஜேர்மனிய நகரங்களுக்கு இடையிலான பந்தயத்தில் இருந்து பெர்லின் நகரம் அதிகாரப்பூர்வமாக விலகியுள்ளது.
பெர்லின் நகரில் சமீபத்தில் நடைபெற்ற தேர்தலில் சோசலிச இடதுசாரி கட்சிகள் வெற்றி பெற்றதை அடுத்து இந்த மாற்றமானது ஏற்பட்டுள்ளது.
தேர்தலில் சோசலிச இடதுசாரி கட்சியின் முதன்மை வேட்பாளரும், வருங்கால மேயருமான Elif Eralp ஒலிம்பிக் ஏலத்தில் பெர்லின் பங்கேற்க வெளிப்படையாக எதிர்ப்பு தெரிவித்து இருந்தார்.
இதன் மூலம் ஒலிம்பிக் ஏலத் திட்டத்திற்கான அரசியல் ஆதரவு விலக்கிக் கொள்ளப்பட்டுள்ளது.
ஒலிம்பிக் பந்தயத்தில் இருந்து பெர்லின் நகரம் விலகிய இந்த முடிவுக்கு பழமைவாத கிறிஸ்தவ ஜனநாயக கட்சியை சேர்ந்த தற்போதைய மேயர் காய் வெக்னர்(Kai Wegner) வருத்தம் தெரிவித்துள்ளார்.
போட்டியில் மியூனிக் மற்றும் ரைன்/ரூஹ்ர் நகரங்கள் ஒலிம்பிக் நகர பந்தயத்திற்கான போட்டியில் இருந்து பெர்லின் நகரம் விலகியதை அடுத்து, ஜெர்மனியின் பரிந்துரையில் மியூனிக் மற்றும் மேற்கு ரைன்/ரூஹ்ர் ஆகிய இரண்டு நகரங்கள் மட்டுமே போட்டியாளர்களாக களத்தில் உள்ளது.
ஹேம்பர்க் நகரத்திற்கு மே மாதத்தில் நடைபெற்ற பொது வாக்கெடுப்பில் ஆதரவு கிடைக்காததை அடுத்து ஏற்கனவே போட்டியில் இருந்து விலகி இருந்தது குறிப்பிடத்தக்கது.
வறுத்தலைவிளான், யாழ்ப்பாணம், கோண்டாவில், கொழும்பு, அநுராதபுரம்
25 Sep, 2022
யாழ்ப்பாணம், வவுனியா, கனடா, Canada, Montreal, Canada
31 Aug, 2015
