லங்காசிறி FM
சிறந்த உணவு கொண்ட நாடுகளின் பட்டியல்; 12வது இடத்தில் இந்தியா - முதலிடம் எந்த நாடு?
உலகில் சிறந்த உணவு, சிறந்த உணவு கொண்ட நாடுகள் மற்றும் நகரங்களின் பட்டியலை, தனியார் பயண வழிகாட்டி நிறுவனமான ‘டேஸ்ட் அட்லஸ்’ வெளியிட்டுள்ளது.
12வது இடத்தில் இந்தியா
100 நாடுகள் உள்ளடங்கிய இந்த பட்டியலில், 4.6 புள்ளிகளுடன் கிரீஸ் முதலிடத்தில் உள்ளது.
இத்தாலி, மெக்சிகோ, ஸ்பெயின், போர்ச்சுக்கல் ஆகிய நாடுகள் அடுத்த நான்கு இடங்களைப் பிடித்துள்ளன. துருக்கி, இந்தோனீசியா, பிரான்ஸ், ஜப்பான், சீனா ஆகிய நாடுகள் 6 முதல் 10 வரையிலான இடத்தை பிடித்துள்ளது.
போலந்து 11வது இடத்தையும், 4.42 புள்ளிகளுடன் இந்தியா 12வது இடத்தையும், அமெரிக்கா 13வது இடத்தையும், இலங்கை 69வது இடத்தையும் பிடித்துள்ளது.
இந்தியாவின் சிறந்த உணவுகளாக ரொட்டி, நான் (naan), சட்னி, பிரியாணி, பருப்பு, பட்டர் கோழி, தந்தூரி கோழி ஆகியவை குறிப்பிடப்பட்டுள்ளன.
75வது இடத்தில் சென்னை
சிறந்த உணவு கொண்ட நகரங்களின் பட்டியலில், இத்தாலியின் Naples முதலிடத்தை பிடித்துள்ளது. முதல் 5 இடங்களில் 4 இத்தாலி நகரங்கள் உள்ளது.
5 வது இடத்தில் இந்தியாவின் மும்பை உள்ளது. இதில், சென்னை 75வது இடத்தை பிடித்துள்ளது. சென்னையில் தோசை, இட்லி, செட்டிநாடு கறி ஆகிய உணவுகளுக்கு அதிக மதிப்பீடுகள் கிடைத்துள்ளது.
பன்றி இறைச்சி முதலிடம்
உலகளவில் சிறந்த உணவுகளில், கொலம்பியாவின் Lechona என்ற பன்றி இறைச்சி உணவு முதலிடத்தையும், இத்தாலியின் Pizza Napoletana 2வது இடத்தையும் பிடித்துள்ளது.
பிரேசிலின் Picanha என்னும் மாட்டிறைச்சி உணவு 3வது இடத்தையும், அல்ஜீரியாவின் Rechta என்னும் நூடுல்ஸ் உணவு 4வது இடத்தையும், தாய்லாந்தின் Phanaeng Curry என்னும் குழம்பு 5வது இடத்தையும் பிடித்துள்ளது.
இந்திய உணவுகளில் முர்க் மக்கானி 29வது இடத்தையும், ஹைதராபாத் பிரியாணி 31 வது இடத்தையும், சிக்கன் 65 97வது இடத்தையும், கீமா 100 வது இடத்தையும் பிடித்துள்ளது.
பருத்தித்துறை, வாணக்குடியிருப்பு, தம்பசிட்டி, கொழும்பு, London, United Kingdom
28 May, 2026
