எம்.ஜி.ஆரால் கலையுலக வாரிசாக அறிவிக்கப்பட்ட பாக்யராஜ் - அவர் பெயரிலே அரசியல் கட்சி

எம்.ஜி.ஆரின் கலையுலக வாரிசாக அறிவிக்கப்பட்ட பாக்யராஜ் பின்னாளில் எம்.ஜி.ஆர் பெயரிலே அரசியல் கட்சி தொடங்கினார்.

எம்.ஜி.ஆரின் கலையுலக வாரிசு

நடிகரும், இயக்குநருமான பாக்யராஜ் மாரடைப்பால் உயிரிழந்தது தமிழ் சினிமா துறையை அதிர்ச்சியில் ஆழ்த்தியுள்ளது. 

இரு நாட்களுக்கு முன்னர் கோவாவில் நடைபெற்ற குஷ்பூவின் மகள் திருமணத்தில் கலந்து கொண்ட பாக்யராஜ் இன்று இல்லை என்பதை நம்ப முடியவில்லை என நடிகர் சிரஞ்சீவி தெரிவித்துள்ளார்.  

முதல்வர் விஜய் பாக்யராஜின் உடலுக்கு நேரில் சென்று அஞ்சலி செலுத்தியுள்ளார். நாளை நடைபெற உள்ள அவரது இறுதிச்சடங்கில் அரசு மரியாதை வழங்கப்படும் என அறிவிக்கப்பட்டுள்ளது. 

இந்திய அளவில் திரைக்கதை மன்னர் பாக்யராஜ்: முக்கிய தகவல்கள்

1977 ஆம் ஆண்டில் இயக்குநர் பாரதிராஜாவின் முதல் படமான 16 வயதினிலேவில் உதவியாளராகவும் கௌரவ வேடத்தில் நடிகராகவும், பாரதிராஜாவின் இரண்டாவது படமான கிழக்கே போகும் ரயில் திரைப்படத்தில் உதவி இயக்குநராகவும் தமிழ் சினிமாவில் அறிமுகமானார் பாக்யராஜ். 

தனது 48 வருட திரைத்துறை வாழ்க்கையில், 25 படங்களை இயக்கியுள்ளார். 75 படங்களில் நடித்துள்ளார். மேலும், 6 படங்களுக்கு இசையமைத்துள்ளார்.

1983 இல் 'முந்தானை முடிச்சு' படத்திற்காக சிறந்த நடிகருக்கான பிலிம்பேர் விருதையும், 1981ல் 'ஒரு கை ஓசை' திரைப்படத்திற்காகத் தமிழக அரசின் சிறப்பு விருதையும், 1991 இல் 'பவுனு பவுனுதான்' திரைப்படத்திற்காக சிறந்த கதை ஆசிரியருக்கான சினிமா எக்ஸ்பிரஸ் விருதையும் பெற்றுள்ளார்.

முன்னாள் முதல்வர் எம்.ஜி.ஆருக்கு விருப்பமான நடிகராக இருந்த இவரை, தன்னுடைய கலையுலக வாரிசாக எம்.ஜி.ஆர் அறிவித்தார். 

எம்.ஜி.ஆர் நடிப்பில் "அண்ணா நீ என் தெய்வம்" என்ற பெயரில் உருவான பாதியில் கைவிடப்பட்ட படத்தின் சில காட்சிகளை வைத்து, அதற்கு தனியாக திரைப்படம் எழுதி, அவசர போலீஸ் 100 என்ற இயக்கி நடித்தார்.  

த்ரிஷாவை துணை முதல்வராக்க விரைவில் அறிவிப்பு - முன்னாள் அமைச்சர் ஆர்.பி.உதயகுமார்

எம்.ஜி.ஆர் மக்கள் முன்னேற்றக் கழகம்

1989 ஆம் ஆண்டில் எம்.ஜி.ஆர் மக்கள் முன்னேற்றக் கழகம் என்ற அரசியல் கட்சியை பாக்யராஜ் தொடங்கினார். இந்த கட்சி 1991 கேரள சட்டமன்றத் தேர்தலில் போட்டியிட்டது. அதில் ஒரு வேட்பாளர் 87 வாக்குகளைப் பெற்றிருந்தார். 

அதன் பின்னர் கட்சியை கலைத்துவிட்டு அதிமுகவில் இணைந்தார். பின்னர், 2006 ஆம் ஆண்டில் கருணாநிதி முன்னிலையில் திமுகவில் இணைந்தார். பின்னர் திமுகவில் இருந்தும் விலகினார்.